Hum se Muhammad Bin Yaqub Kirmani ne bayan kiya, kaha ke hum se Hassan Bin Ibrahim ne bayan kiya, un se Yunus ne bayan kiya, un se Muhammad Bin Muslim ne bayan kiya, un se Anas Bin Malik (Radi Allahu Anhu) ne kiya ke mein ne suna Rasul Allah (Sallallahu Alaihi Wasallam) farma rahe thay ke jo shakhs apni rozi mein kushadgi chahta ho ya umr ki darazi chahta ho to usay chahiye ke sila rahmi kare
.

Mujh se Ibrahim bin al-Munzhir ne bayan kiya, unhon ne kaha hum se Muhammad bin Maan ne bayan kiya, unhon ne kaha ke mujh se mere walid ne bayan kiya, unhon ne kaha hum se Saeed bin Abi Saeed ne bayan kiya aur in se Abu Hurairah razi Allahu anhu ne bayan kiya ke main ne Rasool Allah salla Allahu alaihi wasallam se suna, Nabi Karim salla Allahu alaihi wasallam ne farmaya ke jisay pasand hai ke is ki rozi mein farakhi ho aur is ki umr-daraz ki jaye to woh sila-rahmi kiya kare.

Hum se Yahya bin Bukayr ne bayan kiya, kaha hum se Layth bin Saad ne bayan kiya, in se Aqeel ne, in se Ibn Shihab ne, kaha ke mujhe Anas bin Malik razi Allahu anhu ne khabar di ke Rasool Allah salla Allahu alaihi wasallam ne farmaya ke jo chahta ho ke is ke rizq mein farakhi ho aur is ki umr-daraz ho to woh sila-rahmi kiya kare.