Hum se Musaddad ne bayan kiya, kaha ke hum se Yahya Bin Saeed Qattan ne bayan kiya, un se Ubaidullah Umri ne, unhein Nafi ne khabar di aur unhein Ibn Umar (Radi Allahu Anhuma) ne ke Umar (Radi Allahu Anhu) ne Nabi Kareem (Sallallahu Alaihi Wasallam) se arz kiya, mein ne jahiliyat mein ye nazar mani thi ke Masjid-ul-Haram mein ek raat ka aitikaf karoon ga. Aap (Sallallahu Alaihi Wasallam) ne farmaya ke apni nazar poori kar
.

Hum se Ismail Bin Abdullah ne bayan kiya, unhon ne apne bhai (Abdul Hameed) se, un se Suleiman ne, un se Ubaidullah Bin Umar ne, un se Nafi ne, un se Abdullah Bin Umar (Radi Allahu Anhuma) ne bayan kiya, un se Umar Bin Khattab (Radi Allahu Anhu) ne ke unhon ne poocha, ya Rasul Allah! mein ne jahiliyat mein nazar mani thi ke ek raat ka Masjid-ul-Haram mein aitikaf karoon ga. Nabi Kareem (Sallallahu Alaihi Wasallam) ne farmaya ke phir apni nazar poori kar. Chunanche Umar (Radi Allahu Anhu) ne ek raat bhar aitikaf kiya
.

Hum se Ubaid Bin Ismail ne bayan kiya, kaha ke hum se Abu Usamah ne bayan kiya, un se Ubaidullah ne, un se Nafi ne, un se Ibn Umar (Radi Allahu Anhuma) ne ke Umar (Radi Allahu Anhu) ne zamana-e-jahiliyat mein Masjid-ul-Haram mein aitikaf ki nazar mani thi, Ubaid ne bayan kiya ke mera khayal hai ke unhon ne raat bhar ka zikr kiya tha, to Rasul Allah (Sallallahu Alaihi Wasallam) ne farmaya ke apni nazar poori kar
.

Hum se Abu-ul-Numan ne bayan kiya, kaha hum se Hammad Bin Zaid ne bayan kiya, un se Nafi ne ke Umar Bin Khattab (Radi Allahu Anhu) ne arz kiya: Ya Rasul Allah! Zamana-e-Jahiliyat (kufr) mein mein ne ek din ke itikaf ki mannat mani thi, to Rasul Allah (Sallallahu Alaihi Wasallam) ne ise poora karne ka hukm farmaya. Nafi ne bayan kiya ke Hunain ke qaidiyon mein se Umar (Radi Allahu Anhu) ko do bandiyan mili theen. To Aap ne unhein Makkah ke kisi ghar mein rakha. Unhon ne bayan kiya ke phir Nabi Kareem (Sallallahu Alaihi Wasallam) ne Hunain ke qaidiyon par ihsan kiya (aur sab ko muft azad kar diya) to galiyon mein wo daudne lage. Umar (Radi Allahu Anhu) ne kaha, Abdullah! Dekho to ye kya muamla hai. Unhon ne bataya ke Rasul Allah (Sallallahu Alaihi Wasallam) ne un par ihsan kiya hai (aur Hunain ke tamam qaidi muft azad kar diye gaye hain) Umar (Radi Allahu Anhu) ne kaha ke phir ja in dono larkiyon ko bhi azad kar de. Nafi ne kaha ke Rasul Allah (Sallallahu Alaihi Wasallam) ne maqam-e-Jarana se Umrah ka ihram nahi bandha tha. Agar Aap (Sallallahu Alaihi Wasallam) wahan se Umrah ka ihram bandhte to Abdullah Bin Umar (Radi Allahu Anhuma) ko ye zaroor maloom hota aur Jareer Bin Hazim ne jo Ayub se riwayat ki, unhon ne Nafi se, unhon ne Ibn Umar (Radi Allahu Anhuma) se, is mein yun hai ke (wo dono bandiyan jo Umar Radi Allahu Anhu ko mili theen) khums mein se theen. (Itikaf se mutaliq ye riwayat) Ma'mar ne Ayub se naql ki hai, un se Nafi ne, un se Abdullah Bin Umar (Radi Allahu Anhuma) ne nazar ka qissa jo riwayat kiya hai is mein ek din ka lafz nahi hai
.

Hum se Abu al-Nu'man Muhammad bin Fadl ne byaan kiya , kaha hum se Hammad bin Zayd ne byaan kiya , un se Ayub ne , un se Nafi ne ke Umar razi Allahu anhu ne arz kiya: ya Rasool Allah! (doosri sanad) aur mujh se Muhammad bin Muqatil ne byaan kiya , kaha hum ko Abdullah bin Mubarak ne khabar di , unhein Mamar ne khabar di , unhein Ayub ne , unhein Nafi ne aur un se Ibn Umar razi Allahu anhuma ne byaan kiya ke jab hum Ghazwa Hunayn se wapas ho rahe thay to Umar razi Allahu anhu ne Nabi Karim salla Allahu alaihi wasallam se apni ek nazr ke mutalliq poocha jo unhon ne zamana e jahiliyat mein itikaf ki maani thi aur Nabi Karim salla Allahu alaihi wasallam ne unhein usay poori karne ka hukm diya aur baaz (Ahmad bin Abdah Dabi) ne Hammad se byaan kiya , un se Ayub ne , un se Nafi ne aur un se Ibn Umar razi Allahu anhuma ne . Aur is riwayat ko Jareer bin Hazim aur Hammad bin Salmah ne Ayub se byaan kiya , un se Nafi ne , un se Ibn Umar razi Allahu anhuma ne , Nabi Karim salla Allahu alaihi wasallam se .

Hum se Abu al-Hasan Muhammad bin Muqatil ne bayan kiya, unhon ne kaha hum ko Abdullah ne khabar di, unhon ne kaha hum ko Ubaidullah bin Amr ne khabar di, unhein Nafi ne, unhein Ibn Umar razi Allahu anhuma ne ke Umar razi Allahu anhu ne arz kiya: ya Rasool اللہ! Main ne jahiliyat mein nazr maani thi ke Masjid-ul-Haram mein ek raat ka itikaf karoon ga? Nabi Karim salla Allahu alaihi wasallam ne farmaya ke apni nazr poori kar.