Hum se Suleiman Bin Harb ne bayan kiya, un se Shuba ne, un se Hakam ne, un se Ibrahim ne un se Aswad ne aur un se Aisha (Radi Allahu Anha) ne bayan kiya ke Nabi Kareem (Sallallahu Alaihi Wasallam) roze se hote lekin (apni azwaj ke sath) «yuqabbilu» (bosa lena) wa mubashirat (apne jism se laga lena) bhi kar lete thay. Nabi Kareem (Sallallahu Alaihi Wasallam) tum sab se zyada apni khwahishat par qabu rakhne wale thay, bayan kiya ke Ibn Abbas (Radi Allahu Anhuma) ne kaha ke (Surah Taha mein jo «ma-arib» ka lafz hai wo) hajat-o-zaroorat ke maani mein hai, Taous ne kaha ke lafz «uli al-irbati» (jo Surah al-Noor mein hai) is ahmaq ko kahein ge jisay aurton ki koi zaroorat na ho
.

Hum se Muhammad Bin Muthanna ne bayan kiya, kaha hum se Yahya Bin Saeed Qattan ne bayan kiya, un se Hisham ne bayan kiya ke mujhe mere walid Urwah ne khabar di aur unhein Aisha (Radi Allahu Anha) ne Nabi Kareem (Sallallahu Alaihi Wasallam) ke hawala se (doosri sanad Imam Bukhari Rahimahullah ne kaha ke) aur hum se Abdullah Bin Muslimah ne bayan kiya, un se Imam Malik (Rahimahullah) ne, un se Hisham Bin Urwah ne, un se un ke baap ne aur un se Aisha (Radi Allahu Anha) ne bayan kiya ke Rasul Allah (Sallallahu Alaihi Wasallam) apni baaz azwaj ka roza dar hone ke bawajood bosa le liya karte thay. Phir aap hansein
.