Hum se Abdur Rahman bin Younus ne bayan kiya, unhon ne kaha hum se Hatim bin Ismail ne Ja’d ke waaste se bayan kiya, kaha unhon ne Saaib bin Yazeed se suna, woh kehte the ke meri khaala mujhe Nabi Kareem Sallallahu Alaihi Wasallam ki khidmat mein le gayien aur arz kiya ke ya Rasoolallah! Mera yeh bhaanja beemaar hai, Aap Sallallahu Alaihi Wasallam ne mere sar par apna haath phera aur mere liye barkat ki dua farmaayi, phir Aap Sallallahu Alaihi Wasallam ne Wuzu kiya aur main ne Aap Sallallahu Alaihi Wasallam ke Wuzu ka bacha huwa paani piya. Phir main Aap Sallallahu Alaihi Wasallam ki kamar ke peeche khada ho gaya aur main ne mohr-e-nabuwwat dekhi jo Aap Sallallahu Alaihi Wasallam ke moondhon ke darmiyaan aisi thi jaise chhapar-khat ki ghundi. (Ya kabootar ka anda).

Mujh se Ishaq Bin Rahwayh ne bayan kiya, kaha hum ko Fazal Bin Musa ne khabar di, unhein Juaid Bin Abdur Rahman ne ke mein ne Saib Bin Yazid (Radi Allahu Anhu) ko churanway saal ki umr mein dekha ke khaasay quwi-o-tawana thay. Unhon ne kaha ke mujhe yaqeen hai ke mere kaanon aur aankhon se jo mein nafa hasil kar raha hoon wo sirf Rasul Allah (Sallallahu Alaihi Wasallam) ki dua ki barkat hai. Meri khala mujhe ek martaba Aap (Sallallahu Alaihi Wasallam) ki khidmat mein le gayeen. Aur arz kiya: Ya Rasul Allah! Ye mera bhanja bimar hai, aap is ke liye dua farma dein. Unhon ne bayan kiya ke phir Aap (Sallallahu Alaihi Wasallam) ne mere liye dua farmayi
.

Hum se Muhammad Bin Ubaidullah ne bayan kiya, kaha hum se Hatim Bin Ismail ne bayan kiya, un se Juaid Bin Abdur Rahman ne bayan kiya aur unhon ne Saib Bin Yazid (Radi Allahu Anhu) se suna ke meri khala mujhe Rasul Allah (Sallallahu Alaihi Wasallam) ki khidmat mein le kar hazir huien aur unhon ne arz kiya: Ya Rasul Allah! Mera bhanja bimar ho gaya hai. Is par Aap (Sallallahu Alaihi Wasallam) ne mere sar par dast-e-mubarak phera aur mere liye barkat ki dua farmayi. Is ke baad Aap (Sallallahu Alaihi Wasallam) ne wazu kiya to mein ne Aap (Sallallahu Alaihi Wasallam) ke wazu ka pani piya, phir aap ki peeth ki taraf ja ke khara ho gaya aur mein ne Muhar-e-Nubuwwat ko aap ke dono mondhon ke darmiyan dekha. Muhammad Bin Ubaidullah ne kaha ke «hajlatun» , «hajjul farsi» se mushtaq hai jo ghore ki is safaidi ko kehte hain jo is ki dono aankhon ke beech mein hoti hai. Ibrahim Bin Hamzah ne kaha: «mithla zir-ril hajlatai» yani ray-e-muhmala pehle phir zay-e-mujama. Imam Bukhari (Rahimahullah) ne kaha ke sahih ye hai ke ray-e-muhmala pehle hai
.

Hum se Ibrahim bin Hamza ne bayan kiya, kaha hum se Hatim bin Ismail ne bayan kiya, in se Juaid bin Abdur Rahman ne bayan kiya ke main ne Saib bin Yazid razi Allahu anhu se suna, unhon ne bayan kiya ke mujhe meri khala Rasool Allah salla Allahu alaihi wasallam ki khidmat mein bachpan mein le gayin aur arz kiya: ya Rasool Allah! Mere bhanjay ko dard hai. Nabi Karim salla Allahu alaihi wasallam ne mere sar par hath phera aur mere liye barkat ki dua ki phir Aap salla Allahu alaihi wasallam ne wuzu kiya aur main ne Aap ke wuzu ka pani piya aur main ne Aap ki peeth ke peeche khare ho kar Nabuwat ki mohar Aap ke donon shaanon ke darmiyan dekhi. Yeh mohar e Nabuwat hujla e aroos ki ghundi jaisi thi.

`Hum se Qutaiba bin Saeed ne bayan kiya, kaha hum se Hatim bin Ismail ne bayan kiya, un se Jad bin Abdul Rahman ne bayan kiya ke mein ne Saib bin Yazid Radi Allahu Anhu se suna, unhon ne bayan kiya ke meri khala mujhe le kar Rasul Allah صلی اللہ علیہ وسلم ki khidmat mein hazir huin aur arz kiya: ya Rasul Allah! mera yeh bhanja bimar hai. Chunancha Nabi Kareem صلی اللہ علیہ وسلم ne mere sar par haath phera aur mere liye barkat ki dua ki. Phir Aap ne wuzu kiya aur mein ne Aap ke wuzu ka pani piya. Is ke baad mein Aap ki pusht ki taraf khada ho gaya aur mein ne mohr-e-nabuwwat dekhi jo donon shanon ke darmiyan mein thi jaise chhappar khat ki ghundi hoti hai ya hajla ka anda.