Hum se Muhammad Bin Yusuf ne bayan kiya, kaha hum se Sufyan Thauri ne bayan kiya, un se Mansoor ne, un se Abu Hazim ne aur un se Abu Hurairah (Radi Allahu Anhu) ne bayan kiya ke Rasul Allah (Sallallahu Alaihi Wasallam) ne farmaya jis ne is ghar ka Hajj kiya aur na shahwat ki fuhsh baatein keen, na gunah kiya to wo is din ki tarah wapas ho ga jis din is ki maan ne usay jana tha
.

Hum se Adam bin Abi Iyas ne byaan kiya , kaha ke hum se Shubah ne byaan kiya , kaha ke hum se Sayyar Abul Hakam ne byaan kiya , kaha ke maine Abu Hazim se suna , unhon ne byaan kiya ke maine Abu Hurairah razi Allahu anhu se suna aur unhon ne Nabi Karim salla Allahu alaihi wasallam se suna ke Aap salla Allahu alaihi wasallam ne farmaya jis shakhs ne Allah ke liye is shaan ke saath Hajj kiya ke na koi fuhsh baat hui aur na koi gunah to woh is din ki tarah wapas ho ga jaise is ki maan ne usay jana tha .

Hum se Sulaiman Bin Harb ne bayan kiya, kaha hum se Shuba ne bayan kiya, un se Mansoor ne, un se Abu Hazim ne aur un se Abu Hurairah (Radi Allahu Anhu) ne bayan kiya ke Rasul Allah (Sallallahu Alaihi Wasallam) ne farmaya jis shakhs ne is ghar (Kaabah) ka Hajj kiya aur is mein na «rafath» yani shahwat ki baat munh se nikali aur na koi gunah ka kaam kiya to wo is din ki tarah wapas ho ga jis din is ki maan ne usay jana tha
.