Hum se Saeed Bin Abi Maryam ne bayan kiya, kaha ke hum ko Muhammad Bin Jafar ne khabar di, kaha ke mujhe Humaid Taweel ne khabar di unhon ne Anas Bin Malik (Radi Allahu Anhu) se suna ke Aap (Radi Allahu Anhu) ne kaha ke jab Rasul Allah (Sallallahu Alaihi Wasallam) safar se Madinah wapas hote aur Madinah ke balayi ilaqon par nazar parti to apni ontni ko taiz kar dete, koi doosra janwar hota to usay bhi air lagate. Abu Abdullah (Imam Bukhari Rahimahullah) ne kaha ke Harith Bin Umair ne Humaid se ye lafz zyada kiye hain ke ”Madinah se mohabbat ki wajah se sawari taiz kar dete thay.“ Hum se Qutaiba ne bayan kiya, kaha hum se Ismail Bin Jafar ne bayan kiya, un se Humaid Taweel ne aur un se Anas (Radi Allahu Anhu) ne, unhon ne (darajat ke bajaye) «jundarat» kaha, is ki mutabi’at Harith Bin Umair ne ki
.

Hum se Qutaiba ne bayan kiya, kaha hum se Ismail Bin Jafar ne bayan kiya, un se Humaid ne aur un se Anas (Radi Allahu Anhu) ne ke Nabi Kareem (Sallallahu Alaihi Wasallam) jab kabhi safar se wapas aate aur Madinah ki diwaron ko dekhte to apni sawari taiz farma dete aur agar kisi janwar ki pusht par hote to Madinah ki mohabbat mein usay air lagate
.