Hum se Amr Bin Hafs ne bayan kiya, kaha ke hum se hamare walid ne bayan kiya, un se Aamash ne bayan kiya, un se Ibrahim Nakhai ne bayan kiya, un se Aswad ne aur un se Aisha (Radi Allahu Anha) ne bayan kiya ke Makkah se rawangi ki raat Safiya (Radi Allahu Anha) haiza theen, unhon ne kaha ke aisa maloom hota hai mein in logon ke rokne ka bais ban jaoon gi, phir Nabi Kareem (Sallallahu Alaihi Wasallam) ne farmaya «Aqra Halqa» kya tu ne qurbani ke din Tawaf-ul-Ziyarah kiya tha? Is ne kaha ke ji haan kar liya tha, Aap (Sallallahu Alaihi Wasallam) ne farmaya ke phir chalo
.

`Hum se Ali bin Abdullah ne bayan kiya, kaha hum se Sufyan ne, kaha main ne Abdur Rahman bin Qasim se suna, kaha main ne Qasim se suna. Woh kehte thay main ne Aisha Razi Allah Anha se suna. Aap farmati thin ke hum hajj ke irada se nikle. Jab hum maqam-e-Saraf mein pahunche to main haiza ho gayi aur is ranj mein rone lagi ke Rasool Allah Sallallahu Alaihi Wasallam tashreef laye, Aap Sallallahu Alaihi Wasallam ne poocha tumhe kya ho gaya. Kya haiza ho gayi ho. Main ne kaha, haan! Aap Sallallahu Alaihi Wasallam ne farmaya ke yeh ek aisi cheez hai jis ko Allah Ta’ala ne Aadam ki betiyon ke liye likh diya hai. Is liye tum bhi hajj ke afaal poore kar lo. Albatta Baitullah ka tawaf na karna. Aisha Razi Allah Anha ne farmaya ke Rasool Allah Sallallahu Alaihi Wasallam ne apni biwiyon ki taraf se gaye ki qurbani ki. (Saraf ek maqam Makkah se che saat meel ke fasila par hai). 104647