Hum se Saeed Bin Yahya Bin Saeed ne bayan kiya, un se un ke walid ne bayan kiya, un se Ibn Jurayj ne bayan kiya, un se Zuhri ne bayan kiya, un se Isa Bin Talha ne aur un se Abdullah Bin Amr Bin Al-Aas (Radi Allahu Anhuma) ne ke jab Rasul Allah (Sallallahu Alaihi Wasallam) daswein tareekh ko Mina mein khutba de rahe thay to wo wahan maujood thay. Ek shakhs ne is waqt kharay ho kar poocha ke mein is khayal mein tha ke falan kaam falan se pehle hai phir doosra khara hua aur kaha ke mera khayal tha ke falan kaam falan se pehle hai, chunancha mein ne qurbani se pehle sar munda liya, rami jamar se pehle qurbani kar li, aur mujhe is mein shak hua. To Nabi Kareem (Sallallahu Alaihi Wasallam) ne farmaya, ab kar lo. In sab mein koi haraj nahi. Isi tarah ke doosre sawalat bhi Aap (Sallallahu Alaihi Wasallam) se kiye gaye Aap (Sallallahu Alaihi Wasallam) ne in sab ke jawab mein yahi farmaya ke koi haraj nahi ab kar lo
.

Hum se Ismail ne bayan kiya, un se Malik ne Ibn-e-Shihaab ke waaste se bayan kiya, woh Esa bin Talha bin Ubaidullah se riwayat karte hain, woh Abdullah bin Amr bin Al-’Aas se naql karte hain ke Hajjat-ul-Wada’ mein Rasoolullah Sallallahu Alaihi Wasallam logon ke masaail daryaaft karne ki wajah se Minaa main thehar gaye. To ek shakhs aaya aur us ne kaha ke main ne bekhabri mein zabah karne se pehle sar munda liya. Aap Sallallahu Alaihi Wasallam ne farmaaya (ab) zabah kar le aur kuch harj nahi. Phir doosra aadmi aaya, us ne kaha ke main ne bekhabri mein Rami karne se pehle qurbani kar li. Aap Sallallahu Alaihi Wasallam ne farmaaya (ab) Rami kar le. (Aur pehle kar dene se) kuch harj nahi. Ibn-e-Amr kehte hain (us din) Aap Sallallahu Alaihi Wasallam se jis cheez ka bhi sawaal huwa, jo kisi ne aage aur peeche kar li thi. To Aap Sallallahu Alaihi Wasallam ne yahi farmaaya ke ab kar le aur kuch harj nahi.