Hum se Abdullah Bin Muhammad Bin Asma ne bayan kiya, kaha hum se Juwayriyah Bin Asma ne, un se Nafi ne ke Abdullah Bin Umar (Radi Allahu Anhuma) ne farmaya Nabi Kareem (Sallallahu Alaihi Wasallam) aur Aap (Sallallahu Alaihi Wasallam) ke bohat se ashab ne sar mundwaya tha lekin baaz ne katarwaya bhi tha
.

Hum se Malik bin Ismail ne bayan kiya, kaha hum se Israel ne ’Asim ke waaste se bayan kiya, woh Ibn-e-Sireen se naql karte hain, woh kehte hain ke main ne ’Abeedah Radhiallahu Anhu se kaha ke hamaare paas Rasoolullah Sallallahu Alaihi Wasallam ke kuch baal (mubarak) hain, jo hamein Anas Radhiallahu Anhu se ya Anas Radhiallahu Anhu ke ghar waalon ki taraf se mile hain. (Yeh sun kar) ’Abeedah ne kaha ke agar mere paas un baalon mein se ek baal bhi ho to woh mere liye saari duniya aur us ki har cheez se ziyada azeez hai.

Hum se Muhammed bin Abdur Raheem ne bayan kiya, unhon ne kaha hum ko Sa’eed bin Sulaiman ne khabar di unhon ne kaha hum se ’Abbad ne Ibn-e-’Awn ke waaste se bayan kiya. Woh Ibn-e-Sireen se, woh Anas bin Malik Radhiallahu Anhu se naql karte hain ke Rasoolullah Sallallahu Alaihi Wasallam ne (Hajjat-ul-Wada’ mein) jab sar ke baal mundwaaye to sab se pehle Abu Talha Radhiallahu Anhu ne Aap Sallallahu Alaihi Wasallam ke baal liye the.

Hum se Abul Yaman ne bayan kiya, kaha hum ko Shuayb Bin Abi Hamza ne khabar di, un se Nafi ne bayan kiya ke Ibn Umar (Radi Allahu Anhuma) farmaya karte thay ke Rasul Allah (Sallallahu Alaihi Wasallam) ne Hajjat-ul-Wida ke moqa par apna sar mundaya tha
.

Mujh se Ibrahim bin Munzhir Khuzami ne byaan kiya , unhon ne kaha hum se Abu Zamrah Anas bin Ayadh ne byaan kiya , unhon ne kaha hum se Musa bin Uqbah ne byaan kiya , un se Nafi ne aur unhein Abdullah bin Umar razi Allahu anhuma ne khabar di ke Rasool Allah salla Allahu alaihi wasallam ne Hajjat al-Wida mein apna sar mundwaya tha .

Hum se Ubaydullah bin Saeed ne byaan kiya , kaha hum se Muhammad bin Bakr ne byaan kiya , kaha hum se Ibn Jurayj ne byaan kiya , in se Musa bin Uqbah ne , unhein Nafi ne aur unhein Ibn Umar razi Allahu anhuma ne khabar di ke Nabi Karim salla Allahu alaihi wasallam aur Aap salla Allahu alaihi wasallam ke saath Aap ke baaz as-haab ne Hajjat al-Wida ke mauqa par sar mundwaya tha aur baaz doosre sahabah razi Allahu anhum ne sirf turshwa liya tha .

Hum se Yaqub Bin Ibrahim ne bayan kiya, kaha ke hum se Ismail Bin Aliyyah ne bayan kiya, un se Ayub Sakhtiyani ne, un se Nafi ne ke Ibn Umar (Radi Allahu Anhuma) ke larke Abdullah Bin Abdullah un ke yahan gaye. Haj ke liye sawari ghar mein khari hui thi. Unhon ne kaha ke mujhe khatra hai ke is saal Musalmanon mein aapas mein larayi ho jaye gi aur aap ko wo Bait Allah se rok dein ge. Is liye agar aap na jate to behtar hota. Ibn Umar (Radi Allahu Anhuma) ne jawab diya ke Rasul Allah (Sallallahu Alaihi Wasallam) bhi tashreef le gaye thay (Umrah karne Sulah Hudaibiyah ke moqa par) aur kuffar-e-Quraish ne aap ko Bait Allah tak pohanchne se rok diya tha. Is liye agar mujhe bhi rok diya gaya to mein bhi wahi kaam karoon ga jo Rasul Allah (Sallallahu Alaihi Wasallam) ne kiya tha aur tumhare liye Rasul Allah (Sallallahu Alaihi Wasallam) ki zindagi behtareen namuna hai. Phir aap ne farmaya ke mein tumhein gawah banata hoon ke mein ne apne Umrah ke sath Haj (apne oopar) wajib kar liya hai. Unhon ne bayan kiya ke phir aap Makkah aaye aur dono Umrah aur Haj ke liye ek hi tawaf kiya
.