Hum se Ibrahim bin Musa ne byaan kiya , kaha ke hum se Hisham ne byaan kiya ke Ibn Juraij ne unhein khabar di , kaha ke mujhe Sulayman Ahwal ne khabar di , unhein Ta'oos ne khabar di aur unhein Ibn Abbas razi Allahu anhuma ne ke Nabi Karim salla Allahu alaihi wasallam Kaaba ka tawaf karte hue ek aise shakhs ke paas se guzre jis ne apna haath ek doosre shakhs ke haath se tasma ya rassi ya kisi aur cheez se baandh rakha tha . Nabi Karim salla Allahu alaihi wasallam ne apne haath se usay kaat diya aur phir farmaya ke ”Agar saath hi chalna hai to haath pakar ke chalo .“

Hum se Abu Asim ne byaan kiya , un se Ibn Juraij ne byaan kiya , un se Sulayman Ahwal ne , un se Ta'oos ne aur un se Ibn Abbas razi Allahu anhuma ne ke Rasool Allah salla Allahu alaihi wasallam ne dekha ke ek shakhs Kaaba ka tawaf rassi ya kisi aur cheez ke zariya kar raha hai to Aap salla Allahu alaihi wasallam ne usay kaat diya .

Hum se Abu Aasim ne bayan kiya, in se Ibn Jurayj ne, in se Sulayman al-Ahwal ne, in se Taoos ne, in se Ibn Abbas razi Allahu anhuma ne ke Nabi Karim salla Allahu alaihi wasallam ne ek shakhs ko dekha ke woh Kaba ka tawaf lagam ya is ke siwa kisi aur cheez ke zariye kar raha thu to Nabi Karim salla Allahu alaihi wasallam ne usay kaat diya.

Hum se Ibrahim bin Musa ne bayan kiya, kaha hum ko Hisham ne khabar di, unhein Ibn Jurayj ne khabar di, kaha ke mujhe Sulayman al-Ahwal ne khabar di, unhein Taoos ne khabar di aur unhein Ibn Abbas razi Allahu anhuma ne ke Nabi Karim salla Allahu alaihi wasallam guzre to Kaba ka ek shakhs is tarah tawaf kar raha thu ke doosra shakhs is ki naak mein rasi baandh kar is ke aage se is ki rahnumayi kar raha thu. Nabi Karim salla Allahu alaihi wasallam ne woh rasi apne hath se kaat di, phir hukm diya ke hath se is ki rahnumayi kare.

Hum se Ali bin Abdullah Madini ne bayan kiya, kaha hum se Waleed bin Muslim ne bayan kiya, kaha ke mujh se Abu Qulabah Jurmi ne bayan kiya, in se Anas razi Allahu anhu ne bayan kiya ke Nabi Karim salla Allahu alaihi wasallam ke paas qabila Ukal ke chand log aaye aur Islam qabool kiya lekin Madinah ki aab-o-hawa unhein muafiq nahi aayi (in ke pait phool gaye) to Nabi Karim salla Allahu alaihi wasallam ne in se farmaya ke sadqa ke oonton ke rewarh mein jayein aur in ka peshab aur doodh mila kar piyein. Unhon ne is ke mutabiq amal kiya aur tandurust ho gaye lekin is ke baad woh murtad ho gaye aur in oonton ke charwahon ko qatl kar ke oont hanka le gaye. Nabi Karim salla Allahu alaihi wasallam ne in ki talash mein sawar bheije aur unhein pakar ke laya gaya phir in ke hath paon kaat diye gaye aur in ki aankhen phorr di gayiein (kyunke unhon ne Islami charwahe ke saath aisa hi bartao kiya tha) aur in ke zakhmon par daagh nahi lagwaya gaya yahan tak ke woh mar gaye.

Hum se Abu Yala Muhammad bin Salt ne bayan kiya, kaha hum se Waleed ne bayan kiya, kaha mujh se Awzai ne bayan kiya, in se Yahya ne, in se Abu Qulabah ne aur in se Anas razi Allahu anhu ne ke Nabi Karim salla Allahu alaihi wasallam ne Urayniyon ke (hath paon) katwa diye lekin in par daagh nahi lagwaya, yahan tak ke woh mar gaye.