Hum se Abu Aasim ne bayan kiya, in se Imam Malik ne, in se Talha bin Abd-ul-Malik ne, in se Qasim ne aur in se Aisha razi Allahu anha ne bayan kiya ke Nabi Karim salla Allahu alaihi wasallam ne farmaya ”jis ne Allah ki itaat ki nazr maani ho usay chahiye ke itaat kare aur jis ne gunah karne ki nazr maani ho pas woh gunah na kare.“

Hum se Musaddad ne bayan kiya, kaha hum se Yahya ne bayan kiya, in se Humayd ne, in se Sabit ne aur in se Anas razi Allahu anhu ne ke Nabi Karim salla Allahu alaihi wasallam ne farmaya ”Allah Ta'ala is se be-parwa hai ke yeh shakhs apni jaan ko azab mein daale.“ Nabi Karim salla Allahu alaihi wasallam ne usay dekha ke woh apne do beton ke darmiyan chal raha thu aur Fazari ne bayan kiya, in se Humayd ne, in se Sabit ne bayan kiya aur in se Anas razi Allahu anhu ne.

Hum se Abu Aasim ne bayan kiya, in se Ibn Jurayj ne, in se Sulayman al-Ahwal ne, in se Taoos ne, in se Ibn Abbas razi Allahu anhuma ne ke Nabi Karim salla Allahu alaihi wasallam ne ek shakhs ko dekha ke woh Kaba ka tawaf lagam ya is ke siwa kisi aur cheez ke zariye kar raha thu to Nabi Karim salla Allahu alaihi wasallam ne usay kaat diya.

Hum se Ibrahim bin Musa ne bayan kiya, kaha hum ko Hisham ne khabar di, unhein Ibn Jurayj ne khabar di, kaha ke mujhe Sulayman al-Ahwal ne khabar di, unhein Taoos ne khabar di aur unhein Ibn Abbas razi Allahu anhuma ne ke Nabi Karim salla Allahu alaihi wasallam guzre to Kaba ka ek shakhs is tarah tawaf kar raha thu ke doosra shakhs is ki naak mein rasi baandh kar is ke aage se is ki rahnumayi kar raha thu. Nabi Karim salla Allahu alaihi wasallam ne woh rasi apne hath se kaat di, phir hukm diya ke hath se is ki rahnumayi kare.

Hum se Musa bin Ismail ne bayan kiya, kaha hum se Wuhaib ne, kaha hamase Ayub ne, in se Ikrimah ne aur in se Ibn Abbas razi Allahu anhuma ne bayan kiya ke Rasool Allahsalla Allahu alaihi wasallam khutba de rahe thay ke ek shakhs ko khare dekha. Nabi Karim salla Allahu alaihi wasallam ne is ke mutalliq poochha to logon ne bataya ke yeh Abu Israeel naami hain. Unhon ne nazr maani hai ke khare hi rahein ge, baithein ge nahi, na kisi cheez ke saye mein baithein ge aur na kisi se baat karein ge aur roza rakhein ge. Nabi Karim salla Allahu alaihi wasallam ne farmaya ke in se kaho ke baat karein, saye ke neeche baithein uthein aur apna roza poora kar lein. Abd-ul-Wahhab ne bayan kiya ke hamase Ayub ne bayan kiya, in se Ikrimah ne aur in se Nabi Karim salla Allahu alaihi wasallam ne.