Hum se Yahya bin Bukair ne byaan kiya , unhon ne kaha ke hum se Layth bin Saad ne byaan kiya , un se Yunus ne , un se Ibn Shihab ne , un se Saeed bin Musayyab ne ke Abu Hurairah razi Allahu anhu ne kaha ke Rasool Allah salla Allahu alaihi wasallam ne farmaya ”Kaaba ko do patli pindliyon wala Habshi kharab kare ga .“

Hum se Ali bin Abdullah Madini ne byaan kiya , unhon ne kaha ke hum se Sufyan bin Uyaynah ne byaan kiya , unhon ne kaha hum se Ziyad bin Saad ne byaan kiya , un se Zuhri ne byaan kiya , un se Saeed bin Musayyab ne byaan kiya aur un se Abu Hurairah razi Allahu anhu ne ke Nabi Karim salla Allahu alaihi wasallam ne farmaya ke ”Kaaba ko do patli pindliyon wala ek haqueer Habshi tabah kar de ga .“