Hum se Abdullah bin Yusuf ne byaan kiya , unhon ne kaha ke humein Imam Malik ne khabar di , unhein Nafi ne aur unhein Abdullah bin Umar razi Allahu anhuma ne ke Rasool Allah salla Allahu alaihi wasallam ne farmaya Madina ke log Zul Hulaifah se ahram baandhein , Shaam ke log Juhfah se aur Najd ke log Qarn-ul-Manazil se . Abdullah ne kaha ke mujhe maloom hua hai . Ke Nabi Karim salla Allahu alaihi wasallam ne farmaya aur Yemen ke log Yalamlam se ahram baandhein .

Hum se Qutaibah bin Sa’eed ne bayan kiya, kaha hum ko Laith bin Sa’d ne khabar di, un se Nafe’ Maula Abdullah bin Umar bin Al-Khattaab ne, unhon ne Abdullah bin Umar Radhiallahu Anhuma se riwayat kiya ke (ek martaba) ek aadmi ne Masjid mein khade ho kar arz kiya, ya Rasoolallah! Aap hamein kis jagah se Ehraam baandhne ka hukm dete hain? To Rasoolullah Sallallahu Alaihi Wasallam ne farmaaya, Madinah waale Zul-Hulaifah se Ehraam baandhein, aur Ahl-e-Sham Juhfa se aur Najd waale Qarn-ul-Manazil se. Ibn-e-Umar Radhiallahu Anhuma ne farmaaya, ke logon ka khayaal hai ke Rasoolullah Sallallahu Alaihi Wasallam ne farmaaya ke Yemen waale Yalamlam se Ehraam baandhein. Aur Ibn-e-Umar Radhiallahu Anhuma kaha karte the ke mujhe yeh (aakhiri jumla) Rasoolullah Sallallahu Alaihi Wasallam se yaad nahi.

Hum se Malik bin Ismail ne byaan kiya , unhon ne kaha ke hum se Zuhair ne byaan kiya , unhon ne kaha ke mujh se Zaid bin Jubair ne byaan kiya ke woh Abdullah bin Umar razi Allahu anhuma ki qiyam gah par hazir hue . Wahan qanat ke saath shamiyana laga hua tha (Zaid bin Jubair ne kaha ke) maine poocha ke kis jagah se Umrah ka ahram baandhna chahiye . Abdullah razi Allahu anhu ne jawab diya ke Rasool Allah salla Allahu alaihi wasallam ne Najd walon ke liye Qarn , Madina walon ke liye Zul Hulaifah aur Shaam walon ke liye Juhfah muqarrar kiya hai .

Hum se Musa bin Ismail ne byaan kiya , kaha ke hum se Wuhaib ne byaan kiya , kaha ke hum se Abdullah bin Ta'oos ne byaan kiya , un se in ke baap ne aur un se Ibn Abbas razi Allahu anhuma ne ke Nabi Karim salla Allahu alaihi wasallam ne Madina walon ke ahram ke liye Zul Hulaifah , Shaam walon ke liye Juhfah , Najd walon ke Qarn-ul-Manzil , Yemen walon ke Yalamlam mutaiyan kiya . Yahan se in maqamaat wale bhi ahram baandhein aur in ke alawa woh log bhi jo in raston se aayein aur Hajj ya Umrah ka irada rakhte hon . Lekin jin ka qiyam miqaat aur Makka ke darmiyan hai to woh ahram isi jagah se baandhein jahan se unhein safar shuroo karna hai . Yahan tak ke Makka ke log Makka hi se ahram baandhein .

Hum se Musaddad ne byaan kiya , unhon ne kaha ke hum se Hammad bin Zaid ne byaan kiya , un se Amru bin Dinar ne byaan kiya , un se Ta'oos ne byaan kiya , aur un se Abdullah bin Abbas razi Allahu anhuma ne byaan kiya ke Rasool Allah salla Allahu alaihi wasallam ne Madina walon ke liye Zul Hulaifah ko miqaat muqarrar kiya , Shaam walon ke liye Juhfah , Najd walon ke liye Qarn-ul-Manazil aur Yemen walon ke liye Yalamlam . Yeh miqaat in mulk walon ke hain aur in logon ke liye bhi jo in mulkon se guzar kar haram mein dakhil hon aur Hajj ya Umrah ka irada rakhte hon . Lekin jo log miqaat ke andar rehte hon . Yahan tak ke Makka ke log ahram Makka hi se baandhein .

(Doosri sanad) aur Imam Bukhari rahmatullah alaihi ne kaha ke mujh se Ahmad ne byaan kiya , kaha ke hum se Abdullah bin Wahab ne byaan kiya , kaha ke mujhe Yunus ne khabar di , unhein Ibn Shihab ne , unhein Salim bin Abdullah ne aur un se in ke walid ne byaan kiya ke maine Rasool Allah salla Allahu alaihi wasallam se suna , Aap salla Allahu alaihi wasallam ne farmaya tha ke Madina walon ke liye ahram baandhne ki jagah Zul Hulaifah aur Shaam walon ke liye Muhay'ah yani Juhfah aur Najd walon ke liye Qarn-ul-Manazil . Abdullah bin Umar razi Allahu anhuma ne kaha ke log kehte thay ke Nabi Karim salla Allahu alaihi wasallam ne farmaya ke Yemen wale ahram Yalamlam se baandhein lekin maine isay Aap salla Allahu alaihi wasallam se nahi suna .

Hum se Qutaibah bin Saeed ne byaan kiya , unhon ne kaha ke hum se Hammad bin Zaid ne byaan kiya , unhon ne kaha ke hum se Amru bin Dinar ne , un se Ta'oos ne aur un se Ibn Abbas razi Allahu anhuma ne ke Nabi Karim salla Allahu alaihi wasallam ne Madina walon ke liye Zul Hulaifah miqaat thehraya aur Shaam walon ke liye Juhfah , Yemen walon ke liye Yalamlam aur Najd walon ke liye Qarn-ul-Manazil . Yeh in mulkon ke logon ke liye hain aur doosre in tamam logon ke liye bhi jo in mulkon se guzrein . Aur Hajj aur Umrah ka irada rakhte hon . Lekin jo log miqaat ke andar rehte hon . To woh apne shehron se ahram baandhein , ta-aanke Makka ke log Makka hi se ahram baandhein .

Hum se Mualla bin Asad ne byaan kiya , kaha ke hum se Wuhaib bin Khalid ne byaan kiya , un se Abdullah bin Ta'oos ne byaan kiya , un se in ke baap ne aur un se Ibn Abbas razi Allahu anhuma ne ke Nabi Karim salla Allahu alaihi wasallam ne Madina walon ke liye Zul Hulaifah ko miqaat muqarrar kiya , Shaam walon ke liye Juhfah , Najd walon ke liye Qarn-ul-Manazil aur Yemen walon ke liye Yalamlam . Yeh in mulkon ke bashindon ke miqaat hain aur tamam in doosre musalmanon ke bhi jo in mulkon se guzar kar aayein aur Hajj aur Umrah ka irada rakhte hon . Lekin jo log miqaat ke andar rehte hain to (woh ahram wahin se baandhein) jahan se safar shuroo karein ta-aanke Makka ke log ahram Makka hi se baandhein .

Hum se Ali bin Muslim ne byaan kiya , kaha ke hum se Abdullah bin Numair ne byaan kiya , kaha ke hum se Ubaidullah Umari ne Nafi se byaan kiya aur un se Abdullah bin Umar razi Allahu anhuma ne ke jab yeh do shehar (Basra aur Kufa) fatah hue to log Umar razi Allahu anhu ke paas aaye aur kaha ke Ya Ameer-ul-Moomineen Rasool Allah salla Allahu alaihi wasallam ne Najd ke logon ke liye ahram baandhne ki jagah Qarn-ul-Manazil qarar di hai aur hamara rasta idhar se nahi hai , agar hum Qarn ki taraf jayein to hamare liye bari dushwari ho gi . Is par Umar razi Allahu anhu ne farmaya ke phir tum log apne raste mein is ke barabar koi jagah tajweez kar lo . Chunanche in ke liye Zaat-e-Irq ki tayein kar di .

Hum se Muslim Bin Ibrahim ne bayan kiya, kaha hum se Wuhaib ne bayan kiya un se Abdullah Bin Abbas (Radi Allahu Anhuma) ne ke Nabi Kareem (Sallallahu Alaihi Wasallam) ne Madinah walon ke liye Zhu-al-Hulaifah ko miqat banaya, Najd walon ke liye Qarn-al-Manazil ko aur Yemen walon ke liye Yalamlam ko. Ye miqat in mulkon ke bashindon ke liye hai aur doosre in tamam logon ke liye bhi jo in mulkon se ho kar Makkah aayein aur Hajj aur Umrah ka bhi irada rakhte hon, lekin jo log in hudood ke andar hon to un ki miqat wahi jagah hai jahan se wo apna safar shuru karein yahan tak ke Makkah walon ki miqat Makkah hi hai
.

`Hum se Muhammad bin Yusuf ne bayan kiya, kaha hum se Sufyan Sauri ne bayan kiya, un se Abdullah bin Dinar ne aur un se Ibn Umar Radi Allahu Anhuma ne ke Nabi Kareem صلی اللہ علیہ وسلم ne ahl-e-Najd ke liye maqaam-e-Qarn, Juhfa ko ahl-e-Sham ke liye aur Zul-Hulaifa ko ahl-e-Madinah ke liye miqat muqarrar kiya. Bayan kiya ke mein ne yeh Nabi Kareem صلی اللہ علیہ وسلم se suna aur mujhe maloom hua hai ke Nabi Kareem صلی اللہ علیہ وسلم ne farmaya ke ahl-e-Yaman ke liye Yalamlam (miqat) hai aur Iraq ka zikr hua to unhon ne kaha ke Nabi Kareem صلی اللہ علیہ وسلم ke zamane mein Iraq nahi tha.