Hum se Abul Yaman ne byaan kiya ke humein Shuayb ne khabar di aur unhein Zuhri ne (doosri sanad) aur Layth bin Saad ne byaan kiya ke mujh se Abdul Rahman bin Khalid ne byaan kiya ‘ un se Ibn Shihab ne ‘ un se Ubaidullah bin Abdullah bin Utbah bin Masood ne ke Abu Hurairah razi Allahu anhu ne batlaya ke Abu Bakr razi Allahu anhu ne (Nabi Karim salla Allahu alaihi wasallam ki wafat ke fauran baad zakat dene se inkar karne walon ke mutalliq farmaya tha) qasam Allah ki agar yeh mujhe bakri ke ek bacche ko bhi dene se inkar kareinge jisay yeh Rasool Allah salla Allahu alaihi wasallam ko diya karte thay to main in ke is inkar par in se jihad karoon ga .

Is par Abu Bakr Siddiq razi Allahu anhu ne jawab diya ke qasam Allah ki main har us shakhs se jang karoon ga jo zakat aur namaaz mein tafreeq kare ga . (Yani namaaz to parhe magar zakat ke liye inkar kar de) kyunke zakat maal ka haq hai . Allah ki qasam! Agar unhon ne zakat mein chaar mahine ki (bakri ke) bacche ko dene se bhi inkar kiya jisay woh Rasool Allah salla Allahu alaihi wasallam ko dete thay to main un se laroon ga . Umar razi Allahu anhu ne farmaya ke bakhuda yeh baat is ka natija thi ke Allah Ta'ala ne Abu Bakr razi Allahu anhu ka seena Islam ke liye khool diya tha aur baad mein , main bhi is natija par puhancha ke Abu Bakr razi Allahu anhu hi haq par thay .