Hum se Umar bin Hafs ne byaan kiya ‘ unhon ne kaha ke mujh se mere baap ne byaan kiya Aamash se ‘ unhon ne kaha ke mujh se Amru bin Murrah ne byaan kiya ‘ un se Saeed bin Jubair ne aur un se Ibn Abbas razi Allahu anhuma ne byaan kiya ke Abu Lahab ne Nabi Karim salla Allahu alaihi wasallam se kaha ke saare din tujh par barbadi ho . Is par yeh aayat utri «tabbat yada abi lahabin wa tabb» yani toot gaye haath Abu Lahab ke aur woh khud hi barbad ho gaya .

Hum se Abul Yaman ne bayan kiya ' kaha hum ko Shuaib ne khabar di ' unhon ne Zuhri se ' kaha mujh ko Saeed Bin Musayyib aur Abu Salamah Bin Abdur Rahman ne khabar di ke Abu Hurairah (Radi Allahu Anhu) ne kaha jab (Surat-ush-Shu'ara ki) ye ayat Allah Ta'ala ne utari «Wa Anzir Ashiratakal Aqrabina‏» aur apne nazdeek naate walon ko Allah ke azab se dara to Rasul Allah (Sallallahu Alaihi Wasallam) ne farmaya Quraish ke logo! Ya aisa hi koi aur kalma tum log apni apni janon ko (naik amaal ke badal) mol le lo (bacha lo) mein Allah ke samne tumhare kuch kaam nahi aoon ga (yaani is ki marzi ke khilaf mein kuch nahi kar sakoon ga) Abd Manaf ke beto! Mein Allah ke samne tumhare kuch kaam nahi aoon ga. Abbas Abdul Muttalib ke bete! Mein Allah ke samne tumhare kuch kaam nahi aoon ga. Safiyah meri phuphi! Allah ke samne tumhare kuch kaam nahi aoon ga. Fatima! Beti tu chahe mera maal mang le lekin Allah ke samne tere kuch kaam nahi aoon ga. Abul Yaman ke sath hadees ko Asbagh ne bhi Abdullah Bin Wahab se ' unhon ne Yunus se ' unhon ne Ibn Shihab se riwayat kiya
.

(Imam Bukhari (Rahimahullah) ne) kaha ke hum se Qabisah ne bayan kiya, unhein Sufyan ne khabar di, unhein Habib Bin Abi Sabit ne, unhein Saeed Bin Jubair ne aur un se Ibn Abbas (Radi Allahu Anhuma) ne bayan kiya ke jab ye aayat «wa anzir asheera-takal aqrabina» ”And Aap apne qareebi rishtedaron ko daraiye.“ utri to Nabi Kareem (Sallallahu Alaihi Wasallam) ne alag alag qabail ko dawat di
.

Hum se Abu Al-Yaman ne bayan kiya, unhon ne kaha hum ko Shuaib ne khabar di, kaha hum ko Abu Az-Zinad ne khabar di, unhein Aaraj ne aur un se Abu Hurairah (Radi Allahu Anhu) ne bayan kiya ke Nabi Kareem (Sallallahu Alaihi Wasallam) ne farmaya "Ae Abde-Manaf ke beto! Apni jaanon ko Allah se khareed lo (yani naik kaam kar ke unhein Allah Ta'ala ke azab se bacha lo). Ae Abdul Muttalib ke beto! Apni jaanon ko Allah Ta'ala se khareed lo. Ae Zubair Bin Awwam ki walida! Rasul Allah ki phouphi, ae Fatima Bint-e-Muhammad! Tum dono apni jaanon ko Allah se bacha lo. Mein tumhare liye Allah ki bargah mein kuch ikhtiyar nahi rakhta. Tum dono mere maal mein jitna chaho maang sakti ho
."

Hum se Umar bin Hafs bin Ghiyas ne byaan kiya , kaha hum se hamare walid ne byaan kiya , kaha hum se Aamash ne , kaha ke mujh se Amr bin Murrah ne byaan kiya , un se Saeed bin Jubayr ne aur un se Ibn Abbas razi Allahu anhuma ne byaan kiya ke jab aayat «wa anzhir asheeratakal aqrabeena» ”aur Aap apne khandani qarabati-daron ko darate rahiye“ nazil hui to Nabi Karim salla Allahu alaihi wasallam Safa pahari par charh gaye aur pukarne lage . Ae Bani Fihr! Aur Ae Bani Adi! Aur Quraysh ke doosre khandan walo! Is aawaz par sab jama ho gaye agar koi kisi wajah se na aa saka to us ne apna koi chaudhry bhej diya , taake maloom ho ke kya baat hai . Abu Lahab Quraysh ke doosre logon ke saath majma mein tha . Nabi Karim salla Allahu alaihi wasallam ne unhein khitab kar ke farmaya ke tumhara kya khayal hai , agar main tum se kahoon ke wadi mein (pahari ke peeche) ek lashkar hai aur woh tum par hamla karna chahta hai to kya tum meri baat sach maano ge ? Sab ne kaha ke haan , hum Aap ki tasdeeq karein ge hum ne hamesha Aap ko sacha hi paya hai . Nabi Karim salla Allahu alaihi wasallam ne farmaya ke phir suno , main tumhein is sakht azab se drata hoon jo bilkul samne hai . Is par Abu Lahab bola , tujh par saare din tabahi nazil ho , kya tu ne hamain isi liye ikatha kiya tha . Isi waqia par yeh aayat nazil hui «tabbat yada abi lahabiw-wa tabb * ma aghna anhu maaluhu wa ma kasab» ”Abu Lahab ke donon hath toot gaye aur woh barbad ho gaya , na is ka maal is ke kaam aaya aur na is ki kamayi hi is ke aarray aayi .“

Hum se Abu al-Yaman ne byaan kiya , kaha hum ko Shuayb ne khabar di , un se Zuhri ne byaan kiya , kaha mujh ko Saeed bin Musayyab aur Abu Salamah bin Abdur Rahman ne khabar di ke Abu Hurairah razi Allahu anhu ne byaan kiya , jab aayat «wa anzhir asheeratakal aqrabeena» ”aur apne khandan ke qarabati-daron ko dra“ nazil hui to Rasool Allah salla Allahu alaihi wasallam ne (Safa pahari par kharay ho kar) aawaz di ke Ae jama'at e Quraysh! Ya isi tarah ka aur koi kalma Aap salla Allahu alaihi wasallam ne farmaya ke Allah ki itaat ke zariye apni jaanon ko is ke azab se bachao (agar tum shirk o kufr se baaz na aaye to) Allah ke haan main tumhare kisi kaam nahi aaoon ga . Ae Bani Abd Manaf! Allah ke haan main tumhare liye bilkul kuch nahi kar sakoon ga . Ae Abbas bin Abdul Muttalib! Allah ki bargah mein main tumhare kuch kaam nahi aa sakoon ga . Ae Safiya , Rasool Allah ki phoopi! Main Allah ke yahan tumhein kuch faida na pahuncha sakoon ga . Ae Fatima! Muhammad (salla Allahu alaihi wasallam) ki beti! Mere maal mein se jo chaho mujh se le lo lekin Allah ki bargah mein , main tumhein koi faida na pahuncha sakoon ga . Is riwayat ki mutabia't Asbagh ne Ibn Wahb se , unhon ne Yunus se aur unhon ne Ibn Shihab se ki hai .

Hum se Ali bin Abdullah Madini ne byaan kiya , kaha hum se Muhammad bin Hazim ne byaan kiya , kaha hum se Aamash ne byaan kiya , un se Amr bin Murrah ne , un se Saeed bin Jubayr ne aur un se Ibn Abbas razi Allahu anhuma ne byaan kiya ke ek din Rasool Allah salla Allahu alaihi wasallam Safa pahari par charhay aur pukara: ya sabahaahu! (logo dauro) is aawaz par Quraysh jama ho gaye aur poocha kya baat hai ? Nabi Karim salla Allahu alaihi wasallam ne farmaya ke tumhari kya rai hai agar main tumhein bataoon ke dushman subah ke waqt ya shaam ke waqt tum par hamla karne wala hai to kya tum meri baat ki tasdeeq nahi karo ge ? Unhon ne kaha ke hum Aap ki tasdeeq karein ge . Aap salla Allahu alaihi wasallam ne farmaya ke phir main tum ko sakht tareen azab (dozakh) se pehle darane wala hoon . Abu Lahab (mardood) bola tu halak ho ja , kya tu ne isi liye hamain bulaya tha . Is par Allah Paak ne aayat «tabbat yada abi lahabin» nazil farmayi .

Hum se Yusuf bin Musa ne byaan kiya , kaha hum se Abu Usamah ne byaan kiya , kaha hum se Aamash ne byaan kiya , un se Amr bin Murrah ne , un se Saeed bin Jubayr ne aur un se Ibn Abbas razi Allahu anhuma ne byaan kiya ke jab yeh aayat nazil hui «wa anzhir asheeratakal aqrabeena» ”Aap apne qareebi rishta-daron ko drayiye aur apne giroh ke in logon ko drayiye jo mukhliseen hain .“ To Rasool Allah salla Allahu alaihi wasallam Safa pahari par charh gaye aur pukara: ya sabahaahu! Quraish ne kaha yeh kaun hai , phir wahan sab aa kar jama ho gaye . Nabi salla Allahu alaihi wasallam ne un se farmaya ke tumhara kya khayal hai , agar main tumhein bataoon ke ek lashkar is pahar ke peeche se aane wala hai , to kya tum mujh ko sacha nahi samajho ge ? Unhon ne kaha ke hamain jhoot ka Aap se tajurba kabhi bhi nahi hai . Nabi salla Allahu alaihi wasallam ne farmaya ke phir main tumhein is sakht azab se drata hoon jo tumhare samne aa raha hai . Yeh sun kar Abu Lahab bola , tu tabah ho , kya tu ne hamain isi liye jama kiya tha ? Phir Nabi salla Allahu alaihi wasallam wahan se chale aaye aur Aap par yeh surat nazil hui «tabbat yada abi lahabiw-wa tabb» al-kh yani ”donon hath toot gaye Abu Lahab ke aur woh barbad ho gaya .“ Aamash ne yun parha «wa qad tabb» jis din yeh hadees riwayat ki .

Hum se Muhammad bin Salam ne byaan kiya , kaha hum ko Abu Muawiyah ne khabar di , un se Aamash ne , un se Amr bin Murrah ne , un se Saeed bin Jubayr ne aur un se Ibn Abbas razi Allahu anhuma ne byaan kiya ke yani woh halak hua na is ka maal is ke kaam aaya aur na jo kuch us ne kamaya woh kaam aaya . Nabi salla Allahu alaihi wasallam Bathaa ki taraf tashreef le gaye aur pahari par charh kar pukara . Ya sabahaahu! Quraish is aawaz par Aap ke paas jama ho gaye . Nabi salla Allahu alaihi wasallam ne in se poocha: tumhara kya khayal hai agar main tumhein bataoon ke dushman tum par subah ke waqt ya shaam ke waqt hamla karne wala hai to kya tum meri tasdeeq nahi karo ge ? Unhon ne kaha ke haan zaroor Aap ki tasdeeq karein ge . Nabi salla Allahu alaihi wasallam ne farmaya ke to main tumhein sakht azab se drata hoon jo tumhare samne aa raha hai . Abu Lahab bola tum tabah ho jao . Kya tum ne hamain isi liye jama kiya tha ? Is par Allah Ta'ala ne yeh aayat nazil ki «tabbat yada abi lahabin» aakhir tak .

Hum se Umar bin Hafs ne byaan kiya , kaha mujh se mere walid ne byaan kiya , kaha hum se Aamash ne byaan kiya , un se Amr bin Murrah ne , un se Saeed bin Jubayr ne aur un se Ibn Abbas razi Allahu anhuma ne byaan kiya ke Abu Lahab ne kaha tha ke tu tabah ho . Kya tu ne hamain isi liye jama kiya tha ? Is par yeh aayat «tabbat yada abi lahabin» nazil hui .

Hum se Umar Bin Hafs ne bayan kiya, kaha hum se hamare walid ne bayan kiya, kaha hum se Amash ne, kaha un se Amr Bin Murrah ne, un se Saeed Bin Jubair ne aur un se Abdullah Bin Abbas (Radi Allahu Anhuma) ne bayan kiya ke jab (Surah Ash-Shuara ki) ye aayat utri «wa anzir asheera-takal aqrabina» ”Ae Paighambar! Apne qareebi rishtedaron ko dara.“ to Nabi Kareem (Sallallahu Alaihi Wasallam) ne Quraish ke mukhtalif qabilon ko bulaya ae Bani Fihr! Ae Bani Adi! Jo Quraish ke khandan thay
.