Hum se ’Ali ne bayan kiya, un se Sufyan ne, un se Zohri ne Sa’eed bin Al-Musayyab ke waaste se naql kiya, woh ’Abbad bin Tameem se riwayat karte hain, woh apne chacha (Abdullah bin Zaid) se riwayat karte hain ke unhon ne Rasoolullah Sallallahu Alaihi Wasallam se shikaayat ki ke ek shakhs hai jise yeh khayaal hota hai ke Namaz mein koi cheez (yani hawa nikalti) ma’loom hue hai. Aap Sallallahu Alaihi Wasallam ne farmaaya ke (Namaz se) na phire ya na mude, jab tak aawaaz na sune ya bu na paaye.

Hum se Abul Waleed ne bayan kiya, kaha hum se Ibn-e-’Uyainah ne, woh Zohri se, woh Abbad bin Tameen se, woh apne chacha se, woh Rasoolullah Sallallahu Alaihi Wasallam se riwayat karte hain ke Aap Sallallahu Alaihi Wasallam ne farmaaya ke (Namazi Namaz se) us waqt tak na phire jab tak (reeh ki) aawaaz na sun le ya us ki bu na paa le.

Hum se Abu Nuaim Fazal Bin Dukain ne bayan kiya, kaha ke hum se Sufyan Bin Uyainah ne bayan kiya, un se Zuhri ne, un se Abbad Bin Tamim ne aur un se un ke chacha Abdullah Bin Zaid Mazni (Radi Allahu Anhu) ne bayan kiya ke Nabi Kareem (Sallallahu Alaihi Wasallam) ke samne ek aise shakhs ka zikr aaya jisay namaz mein kuch shubha hawa nikalne ka ho jata hai. Aaya usay namaz torr deni chahiye ? Farmaya ke nahi. Jab tak wo awaz na sun le ya badbu na mehsoos kar le (is waqt tak namaz na torre) Ibn Abi Hafsa ne Zuhri se bayan kiya (aise shakhs par) wuzu wajib nahi jab tak hadas ki badbu na mehsoos kare ya awaz na sun le
.