Hum se Abdullah bin Maslamah al-Qanabi ne byaan kiya , un se Imam Malik rahimahullah ne , un ne Ibn Shihab ne , un se Abu Salamah Abdur Rahman aur Abu Abdullah al-Agharr ne aur un donon hazrat se Abu Hurairah razi Allahu anhu ne ke Rasool Allah salla Allahu alaihi wasallam ne farmaya ke hamara Parvardigar buland barkat wala hai har raat ko is waqt aasman dunya par aata hai jab raat ka aakhri tihayi hissa reh jata hai . Woh kehta hai koi mujh se dua karne wala hai ke main us ki dua qabool karoon , koi mujh se mangne wala hai ke main use doon koi mujh se bakhshish talab karne wala hai ke main us ko bakhsh doon .

Hum se Abdul Aziz bin Abdullah ne bayan kiya, kaha hum se Imam Malik ne bayan kiya, in se Ibn Shihab ne, in se Abu Abdullah al-Agharr aur Abu Salamah bin Abd-ur-Rahman ne aur in se Abu Hurairah razi Allahu anhu ne ke Rasool Allah salla Allahu alaihi wasallam ne farmaya ke hamara Rabb Tabaarak wa Ta-aala har raat aasman e duniya ki taraf nuzool farmata hai, is waqt jab raat ka aakhri tihayi hissa baqi reh jata hai aur farmata hai kaun hai jo mujh se dua karta hai ke main is ki dua qabool karoon, kaun hai jo mujh se maangta hai ke main usay doon, kaun hai jo mujh se bakhshish talab karta hai ke main is ki bakhshish karoon.

`Hum se Ismail ne bayan kiya, kaha mujh se Imam Malik ne bayan kiya, un se Ibn Shihab ne, un se Abu Abdullah al-Agar ne aur un se Abu Hurairah Radi Allahu Anhu ne ke Rasul Allah صلی اللہ علیہ وسلم ne farmaya ”Hamara Rabb Tabaraka wa Ta'ala har raat aasman-e-duniya par aata hai, is waqt jab raat ka aakhri tihayi hissa baqi reh jata hai aur kehta hai ke Mujhe kaun bulata hai ke Mein ise jawab doon, Mujh se kaun mangta hai ke Mein ise ata karoon, Mujh se kaun magfirat talab karta hai Mein is ki magfirat karoon?“

Hum se Muhammad bin Kaseer ne bayan kiya, kaha hum se Sufyan Sawri ne bayan kiya, kaha hamase Sufyan ne bayan kiya aur in se Anas bin Malik razi Allahu anhu ne bayan kiya ke Nabi Karim salla Allahu alaihi wasallam ke paas do as-haab chheinke. Nabi Karim salla Allahu alaihi wasallam ne ek ka jawab yarhamukallah (Allah tum par raham kare) se diya aur doosre ka nahi. Nabi Karim salla Allahu alaihi wasallam se is ki wajah poochhi gayi to farmaya ke is ne Al-hamdu lillah kaha thu (is liye is ka jawab diya) aur doosre ne Al-hamdu lillah nahi kaha thu. Chheinkne wale ko Al-hamdu lillah zaroor kehna chahiye aur sunne walon ko yarhamukallah.