Hum se Abul Waleed Tayalisi ne byaan kiya , unhon ne kaha ke hum se Zaidah bin Qudamah ne byaan kiya , unhon ne kaha ke hum se Ziyad bin Ilaqah ne byaan kiya , unhon ne kaha ke main ne Mugheerah bin Shu'bah razi Allahu anhu se suna ke unhon ne kaha ke jis din Ibrahim razi Allahu anhu ki maut hui sooraj grahan bhi usi din laga . Is par baaz logon ne kaha ke grahan Ibrahim razi Allahu anhu (Nabi Karim salla Allahu alaihi wasallam ke sahibzade) ki wafaat ki wajah se laga hai . Rasool Allah salla Allahu alaihi wasallam ne farmaya ke sooraj aur chaand Allah Ta'ala ki nishanion mein se do nishan hain . Un mein grahan kisi ki maut o hayaat ki wajah se nahi lagta . Jab ise dekho to Allah paak se dua karo aur namaaz parho ta'aanke sooraj saaf ho jaye .

Hum se Abdullah bin Muhammad Musnadi ne byaan kiya , unhon ne kaha ke hum se Hashim bin Qasim ne byaan kiya , unhon ne kaha ke hum se Shaiban Abu Muawiyah ne byaan kiya , in se Ziyad bin Ilaqa ne byaan kiya , in se Mughirah bin Shubah razi Allahu anhu ke Rasool Allah salla Allahu alaihi wasallam ke zamana mein sooraj gahan is din laga jis din (Aap salla Allahu alaihi wasallam ke sahibzade) Ibrahim razi Allahu anhu ka intiqal hua baaz log kehne lage ke gahan Ibrahim razi Allahu anhu ki wafat ki wajah se laga hai . Is liye Rasool Allah salla Allahu alaihi wasallam ne farmaya ke gahan kisi ki maut o hayat se nahi lagta . Albatta tum jab ise dekho to namaaz parha karo aur dua kiya karo .