Aur Imam Hasan Basri rahmahu Allah ne farmaya ke Eid ke din hathiyar le jaane ki mamanat thi magar jab dushman ka khauf hota .

Hum se Zakaria bin Yahya Abu al-Sakeen ne byaan kiya , unhon ne kaha ke hum se Abdur Rahman Muharibi ne byaan kiya , kaha ke hum se Muhammad bin Suqa ne Saeed bin Jubayr se byaan kiya , unhon ne kaha ke main (Haj ke din) Ibn Umar razi Allahu anhuma ke sath tha jab neze ki ani Aap ke talway mein chubh gayi jis ki wajah se Aap ka paon rakab se chipak gaya . Tab main ne utar kar ise nikala . Yeh waqia Mina mein paish aaya tha . Jab Hajjaj ko maloom hua jo is zamana mein Ibn Zubair razi Allahu anhuma ke qatal ke baad Hajjaj ka ameer tha to woh bimar pursi ke liye aaya . Hajjaj ne kaha ke kaash hamein maloom ho jata ke kis ne Aap ko zakhmi kiya hai . Is par Ibn Umar razi Allahu anhuma ne farmaya ke tu ne hi to mujh ko neza mara hai . Hajjaj ne poocha ke woh kaise? Aap ne farmaya ke tum is din hathiyar apne sath laye jis din pehle kabhi hathiyar sath nahi laya jata tha (Eidein ke din) tum hathiyar Haram mein laye halanke Haram mein hathiyar nahi laya jata tha .