Hum se Muhammad ne bayan kiya, kaha hamase Ahmad bin Salih ne bayan kiya, kaha hamase Ibn Wahb ne bayan kiya, in se Amr ne, in se Abu Hilal ne aur in se Abu al-Rijaal Muhammad bin Abd-ul-Rahman ne, in se in ki walda Amrah bin Abd-ul-Rahman ne woh Umm al-Momineen Aisha razi Allahu anha ki parwarish mein thien. Unhon ne Aisha razi Allahu anha se bayan kiya ke Nabi Karim salla Allahu alaihi wasallam ne ek sahab ko ek muhim par rawana kiya. Woh sahab apne saathiyon ko namaz parhate thay aur namaz mein khatm Qul huwal-laahu ahad par karte thay. Jab log wapas aane to is ka zikr Nabi Karim salla Allahu alaihi wasallam se kiya. Nabi Karim salla Allahu alaihi wasallam ne farmaya ke in se poochho ke woh yeh tarz e amal kyun ikhtiyar kiye huay thay. Chunanche logon ne poochha to unhon ne kaha ke woh aisa is liye karte thay ke yeh Allah kisifat hai aur main usay parhna azeez rakkhta hoon. Nabi Karim salla Allahu alaihi wasallam ne farmaya ke unhein bata do ke Allah bhi unhein azeez rakkhta hai.