Hum se Abu Nuaym ne bayan kiya, kaha hum se Sufyan ne bayan kiya, in se Abdullah bin Dinar ne aur in se Abdullah bin Umar razi Allahu anhuma ne bayan kiya ke Nabi Karim salla Allahu alaihi wasallam ne sone ki ek angoothi banwayi to doosre logon ne bhi sone ki angoothiyaan banwa lein, phir Nabi Karim salla Allahu alaihi wasallam ne farmaya ke main ne sone ki ek angoothi banwayi thi, phir Aap salla Allahu alaihi wasallam ne phenk di aur farmaya ke main usay kabhi nahi pehnoon ga aur logon ne bhi apni angoothiyaan phenk dein.