`Hum se Badal bin Muhabbir ne bayan kiya, kaha hum se Shu'ba ne bayan kiya, kaha ke mujh ko Amr ne khabar di ke mein ne Abu Wa'il se suna, unhon ne bayan kiya ke Abu Musa aur Abu Masood Radi Allahu Anhuma donon Ammar bin Yasir Radi Allahu Anhuma ke paas gaye jab unhein Ali Radi Allahu Anhu ne ahl-e-Kufa ke paas is liye bheja tha ke logon ko ladne ke liye tayyar karein. Abu Musa aur Abu Masood Radi Allahu Anhuma donon Ammar Radi Allahu Anhu se kehne lage jab se tum musalman hue ho hum ne koi baat is se zyada buri nahi dekhi jo tum is kaam mein jaldi kar rahe ho. Ammar Radi Allahu Anhu ne jawab diya mein ne bhi jab se tum donon musalman hue ho tumhari koi baat is se bri nahi dekhi jo tum is kaam mein dair kar rahe ho. Abu Masood Radi Allahu Anhu ne Ammar Radi Allahu Anhu aur Abu Musa Radi Allahu Anhu donon ko ek ek kapre ka naya joda pehnaya phir teeno mil kar masjid mein tashreef le gaye.