Hum se Sadaqah bin al-Fadl ne bayan kiya, kaha hum ko Ibn Uyaynah ne khabar di, in se Mutarrif ne bayan kiya, kaha ke main ne Shabi se suna, kaha ke main ne Abu Juhaifah se suna, unhon ne bayan kiya ke main ne Ali razi Allahu anhu se poochha, kiya Aap ke paas koi aaisi cheez bhi hai jo Quran Majeed mein nahi hai aur ek martaba unhon ne is tarah bayan kiya ke jo logon ke paas nahi hai. Is par unhon ne kaha ke is zaat ki qasam jis ne dane se kounpal ko phaar kar nikala hai aur makhlooq ko paida kiya. Hamare paas Quran Majeed ke siwa aur kuch nahi hai. Siwa is samajh ke jo kisi shakhs ko is ki kitab mein di jaye aur jo kuch is saheefa mein hai. Main ne poochha saheefa mein kiya hai? Farmaya khoon-baha (diyat) se mutalliq ahkaam aur qadi ke chhurane ka hukm aur yeh ke koi Musalman kisi kafir ke badle mein qatl nahi kiya jaye ga.