Hum se Abu al-Yaman ne bayan kiya , kaha hum ko Shuayb ne khabar di , kaha hamase Abu al-Zinad ne bayan kiya , in se Abd-ul-Rahman ne aur in se Abu Hurairah razi Allahu anhu ne ke Rasool Allah salla Allahu alaihi wasallam ne farmaya ”do auratein thien aur in ke saath in ke do bache bhi thay , phir bheriya aaya aur ek bache ko utha kar le gaya is ne apni saathi aurat se kaha ke bheriya tere bache ko le gaya hai , doosri aurat ne kaha ke woh to tera bacha le gaya hai . Woh donon auratein اپنا muqaddama Dawood alaihissalam ke paas laayien to Aap ne faisla bari ke haq mein kar diya . Woh donon nikal kar Sulayman bin Dawood alaihima-s-salaam ke paas gayiein aur unhein waqia ki ittila di . Sulayman alaihissalam ne kaha ke chhuri lao main larke ke do tukre kar ke donon ko ek ek doon ga . Is par chhoti aurat bol uthi ke aisa na kijiye Aap par Allah raham kare , yeh bari hi ka larka hai lekin Aap alaihissalam ne faisla chhoti aurat ke haq mein kiya . Abu Hurairah razi Allahu anhu ne kaha ke wallah! Main ne «sik-keenun» chhuri ka lafz sab se pehli martaba (Nabi Karim salla Allahu alaihi wasallam ki zaban se) is din suna thu aur hum is ke liye (apne qabila mein) «mud-yah» ka lafz bolte thay .