Hum se Abu al-Yaman ne bayan kiya, kaha hum ko Shuayb ne khabar di, unhein Zuhri ne, unhein Saeed bin al-Musayyab ne khabar di aur in se Abu Hurairah razi Allahu anhu ne bayan kiya ke Rasool Allah salla Allahu alaihi wasallam ne farmaya ”jab Kisra (Badshah e Iran) halak ho jaye ga to is ke baad koi Kisra nahi paida ho ga aur jab Qaisar (Badshah e Room) halak ho jaye ga to is ke baad koi Qaisar nahi paida ho ga aur is zaat ki qasam jis ke hath mein meri jaan hai tum in ke khazane Allah ke raaste mein kharch karo ge.“