Hum se Abu al-Yaman ne bayan kiya , kaha hum ko Shuayb ne khabar di , unhein Zuhri ne , kaha mujhko Saeed aur Ata bin Yazid ne khabar di aur unhein Abu Hurairah razi Allahu anhu ne aur unhein Nabi Karim salla Allahu alaihi wasallam ne (doosri sanad) aur mujh se Mahmood bin Ghailan ne bayan kiya , kaha hum se Abd-ul-Razzaq bin Hamam ne , kaha hum ko Mamar ne , unhein Zuhri ne , unhein Ata bin Yazid Laysi ne aur in se Abu Hurairah razi Allahu anhu ne bayan kiya ke kuch logon ne arz kiya: ya Rasool Allah! kiya Qayamat ke din hum اپne Rabb ko dekh sakein ge . Nabi Karim salla Allahu alaihi wasallam ne farmaya ke kiya sooraj ko dekhne mein tumhein koi dushwari hoti hai jabke is par koi baadal (abr) waghaira na ho ? Sahabah ne arz kiya: nahi ya Rasool Allah! Nabi Karim salla Allahu alaihi wasallam ne farmaya ke kiya jab koi baadal na ho to tumhein choudhvein raat ke chaand ko dekhne mein koi dushwari hoti hai ? Sahabah ne arz kiya: nahi ya Rasool Allah! Aap salla Allahu alaihi wasallam ne farmaya ke phir tum Allah Ta'ala ko isi tarah Qayamat ke din dekho ge . Allah Ta'ala logon ko jama kare ga aur kahe ga ke tum mein se jo shakhs jis cheez ki pooja paat kiya karta tha woh usi ke peeche lag jaye , chunanche jo log sooraj ki parastish kiya karte thay woh is ke peeche lag jayein ge aur jo log chaand ki pooja karte thay woh in ke peeche ho lein ge . Jo log buton ki parastish karte thay woh in ke peeche lag jayein ge aur aakhir mein yeh ummat baaqi reh jaye gi aur is mein munafiqeen ki jama'at bhi ho gi , is waqt Allah Ta'ala in ke samne is surat mein aaye ga jis ko woh pehchante na hon ge aur kahe ga ke main tumhara Rabb hoon . Log kahein ge tujh se Allah ki panah . Hum apni jagah par is waqt tak rahein ge jab tak ke hamara Parvardigar hamare samne na aaye . Jab hamara Rabb hamare paas aaye ga to hum usay pehchan lein ge (kyunke woh hashr mein ek baar us ko pehle dekh chuke hon ge) phir Haq Ta'ala is surat mein aaye ga jis ko woh pehchante hon ge aur in se kaha jaye ga (aao mere saath ho lo) main tumhara Rabb hoon! Log kahein ge ke tu hamara Rabb hai , phir usi ke peeche ho jayein ge aur jahannum par pul bana diya jaye ga . Rasool Allah salla Allahu alaihi wasallam ne farmaya ke main sab se pehla shakhs hoon ga jo is pul ko paar karoon ga aur is din Rasoolon ki dua yeh ho gi ke Ae Allah! Mujhko salamat rakhiyo . Ae Allah! Mujhko salamat rakhiyo aur wahan Sadaan ke kaanton ki tarah aankre hon ge . Tum ne Sadaan ke kaante dekhe hain ? Sahabah ikraam ne arz kiya ji haan dekhe hain ya Rasool Allah! Aap salla Allahu alaihi wasallam ne farmaya ke woh phir Sadaan ke kaanton ki tarah hon ge albatta is ki lambayi chorayi Allah ke siwa aur koi nahi jaanta . Woh logon ko in ke aamal ke mutabiq uchak lein ge aur is tarah in mein se baaz to apne amal ki wajah se halak ho jayein ge aur baaz ka amal raayi ke dane ke barabar ho ga , phir woh najat pa jaye ga . Aakhir jab Allah Ta'ala apne bandon ke darmiyan faisle se farigh ho jaye ga aur jahannum se unhein nikaalna chahe ga jinhein nikaalne ki is ki mashiy-yat ho gi . Yani woh jinon ne kalma «laa ilaaha illallaahu» ki gawahi di ho gi aur Allah Ta'ala farishton ko hukm de ga ke woh aise logon ko jahannum se nikaalein . Farishte unhein sajdon ke nishanaat se pehchan lein ge kyunke Allah Ta'ala ne aag par haram kar diya hai ke woh Ibn e Adam ke jism mein sajdon ke nishan ko khaye . Chunanche farishte in logon ko nikaalein ge . Yeh jal kar kowilay ho chuke hon ge phir in par pani chhirka jaye ga jise «maa-ul-hayaati» zindagi bakhshne wala pani kehte hain . Is waqt woh is tarah taro-taza ho jayein ge jaise saylab ke baad zharkheiz zameen mein dana ug aata hai . Ek aisa shakhs baaqi reh jaye ga jis ka chehra jahannum ki taraf ho ga aur woh kahe ga Ae mere Rabb! Is ki bad-buon ne mujhe pareshan kar diya hai aur is ki lapat ne mujhe jhulsa diya hai aur is ki teizi ne mujhe jala dala hai , zhara mera munh aag ki taraf se doosri taraf pher de . Woh isi tarah Allah se dua karta rahe ga . Aakhir Allah Ta'ala farmaye ga agar main tera yeh mutalba poora kar doon to kahin tu koi doosri cheez maangni shuru na kar de . Woh shakhs arz kare ga nahi , teri izzat ki qasam! Main is ke siwa koi doosri cheez nahi maangoon ga . Chunanche is ka chehra jahannum ki taraf se doosri taraf pher diya jaye ga . Ab is ke baad woh kahe ga . Ae mere Rabb! Mujhe jannat ke darwaze ke qareeb kar dijiye . Allah Ta'ala farmaye ga kiya tu ne abhi yaqeen nahi dilaya thu ke is ke siwa aur koi cheez nahi maange ga . Afsos! Ae Ibn e Adam! Tu bahut zyada wada khilaf hai . Phir woh barabar isi tarah dua karta rahe ga to Allah Ta'ala farmaye ga ke agar main teri yeh dua qabool kar loon to tu phir is ke alawa kuch aur cheez maangne lage ga . Woh shakhs kahe ga nahi , teri izzat ki qasam! Main is ke siwa aur koi cheez tujh se nahi maangoon ga aur woh Allah se ahad o paiman kare ga ke is ke siwa اب koi aur cheez nahi maange ga . Chunanche Allah Ta'ala usay jannat ke darwaze ke qareeb kar de ga . Jab woh jannat ke andar ki neimaton ko dekhe ga to jitni der tak Allah Ta'ala chahe ga woh shakhs khamosh rahe ga , phir kahe ga Ae mere Rabb! Mujhe jannat mein dakhil kar de . Allah Ta'ala farmaye ga ke kiya tu ne yeh yaqeen nahi dilaya thu ke ab tu is ke siwa koi cheez nahi maange ga . Ae Ibn e Adam! Afsos , tu kitna wada khilaf hai . Woh shakhs arz kare ga Ae mere Rabb! Mujhe apni makhlooq ka sab se bad-bakht banda na bana . Woh barabar dua karta rahe ga yahan tak ke Allah Ta'ala hans de ga . Jab Allah hans de ga to is shakhs ko jannat mein dakhil hone ki ijazat mil jaye gi . Jab woh andar chala jaye ga to is se kaha jaye ga ke falan cheez ki khwahish kar chunanche woh is ki khwahish kare ga . Phir is se kaha jaye ga ke falan cheez ki khwahish karo , chunanche woh phir khwahish kare ga yahan tak ke is ki khwahishat khatm ho jayein gi to Allah Ta'ala ki taraf se kaha jaye ga ke teri yeh saari khwahishat poori ki jaati hain aur itni hi zyada neimatein aur di jaati hain . Abu Hurairah razi Allahu anhu ne isi sanad se kaha ke yeh shakhs jannat mein سب سے آخر میں داخل hune والا hu گا .