Mujh se Muhammad bin Salam ne bayan kiya , unhon ne kaha hum ko Makhlad ne khabar di , unhon ne kaha hum ko Ibn Jurayj ne khabar di , unhon ne kaha ke main ne Ata se suna , unhon ne kaha ke main ne Ibn Abbas razi Allahu anhuma se suna , kaha ke main ne Rasool Allah salla Allahu alaihi wasallam se suna , Nabi Karim salla Allahu alaihi wasallam ne farmaya ”agar insan ke paas maal (bher bakri) ki poori waadi ho to woh chahe ga ke usay waisi hi ek aur mil jaye aur insan ki aankh matti ke siwa aur koi cheez nahi bhar sakti aur jo Allah se tauba karta hai , woh is ki tauba qabool karta hai .“ Ibn Abbas razi Allahu anhuma ne kaha ke mujhe maloom nahi yeh Quran mein se hai ya nahi . Bayan kiya ke main ne Ibn Zubayr razi Allahu anhuma ko yeh mimbar par kehte suna tha .