Aur Zuhri se riwayat hai, unhon ne bayan kiya ke mujhe Sinan bin Abi Sinan al-Duwali ne khabar di aur in se Abu Hurairah razi Allahu anhu ne bayan kiya ke Rasool Allah salla Allahu alaihi wasallam ne farmaya ke chhoot koi cheez nahi hai. Is par ek dehati ne kharay ho kar poochha Aap ne dekha ho ga ke ek oont registaan mein haran jaisa saaf rehta hai lekin jab wahi ek kharish wale oont ke paas aa jata hai to usay bhi kharish ho jati hai. Nabi Karim salla Allahu alaihi wasallam ne farmaya lekin pehle oont ko kis ne kharish lagayi thi.