Hum se Abdullah bin Muhammad ne bayan kiya, unhon ne kaha hum se Abd-ul-Malik bin Amr ne bayan kiya, unhon ne kaha hum se Zuhayr bin Muhammad ne bayan kiya, in se Muhammad bin Amr bin Halhala ne, in se Ata bin Yasar ne aur in se Abu Saeed Khudri aur Abu Hurairah razi Allahu anhuma ne bayan kiya ke Nabi Karim salla Allahu alaihi wasallam ne farmaya ke Musalman jab bhi kisi pareshani, beemari, ranj o malal, takleef aur gham mein mubtala ho jata hai yahan tak ke agar usay koi kanta bhi chubh jaye to Allah Ta'ala usay is ke gunahon ka kaffara bana deta hai.