Hum se Muhammad bin Abd-ur-Raheem ne bayan kiya , unhon ne kaha hum ko Yaqoob bin Ibrahim bin Saad ne khabar di , unhein Ibn Shihab ke bhatije ne , unhein un ke chacha Ibn Shihab (Muhammad bin Muslim) ne , unhein Salim ne aur in se Abdullah bin Umar razi Allahu anhuma ne bayan kiya ke Rasool Allah salla Allahu alaihi wasallam ne farmaya ke qurbani ka gosht teen din tak khao . Abdullah bin Umar razi Allahu anhuma Mina se kooch karte waqt roti zaitoon ke tail se khate kyunke woh qurbani ke gosht se (teen din ke baad) parhez karte thay .