Aur farmaya «anfiqoo min tay-yibaati ma kasabtum» ke ”aur kharch karo in pakeeza cheezon mein se jo tum ne kamayi hain .“ Aur Allah Ta'ala ne (Surah Mominoon) mein farmaya «kuloo minat-tay-yibaati wa'maloo saalihan innee bima ta'maloona aleem-un» ke ”khao pakeeza cheezon mein se aur naik amal karo , beshak tum jo kuch bhi karte ho in ko main jaanta hoon .“

Hum se Muhammad bin Kaseer ne byaan kiya , unhon ne kaha hum ko Sufyan Sawri ne khabar di , unhein Mansoor ne in se Abu Wail ne byaan kiya , aur in se Abu Musa Ash'ari razi Allahu anhu ne byaan kiya ke Nabi Karim salla Allahu alaihi wasallam ne farmaya ke bhookay ko khilao pilao , beemar ki mizaj-pursa karo aur qaidi ko chhirao . Sufyan Sawri ne kaha ke (hadees mein) lafz «aanin» se murad qaidi hai .