Aur Allah Ta'ala ne (Surah Nahl mein) farmaya «wa daraballahu masalar-rajulaini ahaduhuma abkamu» ke ”Allah doosron ki misal byaan karta hai ek to goonga jo kuch bhi quwwat nahi rakhta .“ Aakhir aayat «siratim-mustaqeem» tak .

Hum se Musa bin Ismail ne byaan kiya , kaha hum se Wuhaib ne byaan kiya , unhein Hisham ne khabar di , unhein un ke walid ne , unhein Zaynub bint Abi Salamah razi Allahu anha ne ke Umm Salamah razi Allahu anha ne byaan kiya ke main ne arz kiya: ya Rasool Allah! kiya mujhe Abu Salamah (in ke pehle shohar) ke larkon ke baare mein sawab mile ga agar main in par kharch karoon . Main unhein is muhtaji mein dekh nahi sakti , woh meere bete hi to hain . Nabi Karim salla Allahu alaihi wasallam ne farmaya ke haan , tumhein har is cheez ka sawab mile ga jo tum in par kharch karo gi .