Aur Allah ne Surah Nisa mein farmaya «wa lan tasta-tee-oo an ta'diloo baynan-nisa'i» ke ”agar tum apni kai biwiyon ke darmiyan insaf na kar sako (to ek hi aurat se shadi karo) .“ Aakhir aayat «waasi-an hakeeman» tak .

Hum se Musaddad bin Musarhad ne byaan kiya , kaha hum se بشر bin Mufaddal ne , in se Khalid Hazza ne , un se Abu Qulabah ne byaan kiya aur un se Anas razi Allahu anhu ne (rawi Abu Qulabah ya Anas razi Allahu anhu ne) kaha ke agar main chahoon to keh sakta hoon ke Nabi Karim salla Allahu alaihi wasallam ne (aane wali hadees) irshad farmayi . Lekin byaan kiya ke dastoor yeh hai ke jab kunwari se shadi kare to is ke saath saat din tak rehna chahiye aur jab bewa se shadi kare to is ke saath teen din tak rehna chahiye .