Hum se Ibrahim bin Musa ne byaan kiya , kaha hum ko Hisham bin Yusuf ne khabar di , unhein Ibn Jurayj ne khabar di , un se Kaysan ne kaha ke mujhe Yusuf bin Maahik ne khabar di , unhon ne byaan kiya ke main Umm al-Momineen Aisha razi Allahu anha ki khidmat mein hazir thu ke ek Iraqi un ke paas aaya aur poocha ke kafan kaisa hona chahiye ? Umm al-Momineen ne kaha: afsos is se matlab! Kisi tarah ka bhi kafan ho tujhe kiya nuqsan ho ga . Phir is shakhs ne kaha Umm al-Momineen mujhe apne mus-haf dikha dijiye . Unhon ne kaha kyun ? (kiya zaroorat hai) is ne kaha taake main bhi Quran Majeed is tarteeb ke mutabiq parhoon kyunke log baghair tarteeb ke parhte hain . Unhon ne kaha phir is mein kiya qabahat hai jo-n-si surat tu chahe pehle parh le (jo-n-si surat chahe baad mein parh le agar utarne ki tarteeb dekhta hai) to pehle mufassal ki ek surat , utri ( «iqra bismi rabbika») jis mein jannat o dozakh ka zikr hai . Jab logon ka dilli Islam ki taraf ruju ho gaya (itiqad pukhta ho gaye) is ke baad halal o haram ke ahkam utre , agar kahin shuru shuru hi mein yeh utarta ke sharab na peena to log kehte hum to kabhi sharab peena nahi chhorien ge . Agar shuru hi mein yeh utarta ke zina na karo to log kehte hum to zina nahi chhorien ge is ke bajaye Makkah mein Muhammad salla Allahu alaihi wasallam par is waqt jab main bachi thi aur khela karti thi yeh aayat nazil hui «balis-saatu mau-iduhum was-saatu adha wa ammaru» lekin Surah al-Baqarah aur Surah Nisa is waqt nazil huien , jab main (Madinah mein) Nabi Karim salla Allahu alaihi wasallam ke paas thi . Byaan kiya ke phir unhon ne is Iraqi ke liye apna mus-haf nikala aur har surat ki aayat ki tafseel likhwayi .