Hum se Umar bin Hafs bin Ghiyas ne byaan kiya , kaha mujh se mere walid ne byaan kiya , kaha hum se Aamash ne byaan kiya , kaha hum se Muslim ne byaan kiya , un se Masrooq ne byaan kiya ke Abdullah bin Masood razi Allahu anhu ne kaha (Qayamat ki) paanch nishaniyan guzar chuki hain . Dhuwaan (is ka zikr aayat «yawma ta'tis-sama'u bi-dukhaanim mubeenin» mein hai) . Chaand ka phatna (is ka zikr aayat «iqtarabatis-saatu wan-shaqqal qamaru» mein hai) . Room ka maghloob hona (is ka zikr Surah «ghulibatir-roomu» mein hai) . «al-bat-shatu» yani Allah ki pakar jo Badr mein hui (is ka zikr «yawma nab-tishul bat-shatal kubra» mein hai) . Aur wabal jo Quraysh par Badr ke din aaya (is ka zikr aayat «fasaufa yakoonu lizaman» mein hai .