Ibn Abbas razi Allahu anhuma ne kaha «absir bihim wa asmi» yeh Allah farmata hai aaj ke din (yani duniya mein) na to kafir sunte hain na dekhte hain balkay khuli hui gumrahi mein hain . Matlab yeh hai ke «asmi bihim wa absir» yani kafir Qayamat ke din khoob sunte aur khoob dekhte hon ge (magar is waqt ka sunna dekhna kuch faida na de ga) . «la-arjumannaka» main tujh par gaaliyon ka patthrao karoon ga . Lafz «ri'yan» ke maani manzar , dikhawa aur Abu Wail Shaqeeq bin Salama ne kaha Maryam alayhassalam jaanti thien ke jo parhezgar hota hai woh sahib e aqal hota hai . Isi liye unhon ne kaha main tujh se Allah ki panah chahti hoon agar tu parhezgar hai . Aur Sufyan bin Uyaynah ne kaha «ta-uzzuhum azzan» ka maani yeh hai ke Shaytan kafiron ko gunahon ki taraf ghaseette hain . Mujahid ne kaha «iddan» ke maani kajj aur teerhi , ghalat baat (ya kajj aur teerhi baatein) . Ibn Abbas razi Allahu anhuma ne kaha «wirdan» ke maani pyaase ke hain aur «asasan» ke maani maal asbab . «iddan» bari baat . «rikzan» halki , past aawaz . «ghayyan» nuqsan , toota . «bukiyyan» , «baaki» ki jama hai yani rone wale . «suliyyan» masdar hai . «sala» , «yasla» baab «samia» , «yasmau» se yani jalna . «nadiyyun» aur «lin-nadi» donon ke maani majlis ke hain .

Hum se Umar bin Hafs bin Ghiyas ne byaan kiya , kaha hum se hamare walid ne , hum se Aamash ne , hum se Abu Salih ne byaan kiya aur un se Abu Saeed Khudri razi Allahu anhu ne byaan kiya ke Rasool Allah salla Allahu alaihi wasallam ne farmaya ke Qayamat ke din maut ek chit-kabre mendhay ki shakal mein layi jaye gi . Ek aawaz dene wala farishta aawaz de ga ke ae Jannat walo! Tamam jannati gardan utha utha kar dekhein ge , aawaz dene wala farishta pooche ga . Tum is mendhay ko bhi pehchante ho ? Woh bolien ge ke haan , yeh maut hai aur in se har shakhs is ka zaiqa chakh chuka ho ga . Phir usay zibah kar diya jaye ga aur aawaz dene wala jannatiyon se kahe ga ke ab tumhare liye hameshi hai , maut tum par kabhi na aaye gi aur ae Jahannum walo! Tumhein bhi hamesha isi tarah rehna hai , tum par bhi maut kabhi nahi aaye gi . Phir Aap salla Allahu alaihi wasallam ne yeh aayat tilawat ki «wa anzhirhum yawmal hasrati izh qudiyal amru wa hum fee ghaflatin» al-kh ”aur unhein hasrat ke din se dra do . Jabke akheer faisla kar diya jaye ga aur yeh log ghaflat mein pare huay hain (yani dunyadar log) aur iman nahi laate .“