«karramna» aur «akramna» donon ke ek hi maani hain . «dhafal hayati» zindagi ka azab . «dhafal mamaati» maut ka azab . «khilaafaka» aur «khalfaka» (donon qiratein hain) donon ke ek maani hain yani tumhare baad . «na'aa» ke maani door hua . «shaakilatihi» apne raste par (ya apni zeenat par) yeh «shaklun» se nikla hai yani jorr aur shabeeh . «sarrafna» samne laye byaan kiye . «qabeelan» aankhon ke samne roo-ba-roo baazon ne kaha yeh «qaabilatun» se nikla hai jis ke maani daayi , janane wali ke hain . Kyunke woh bhi janate waqt aurat ke muqabil hoti hai is ka bacha qabool karti hai yani sanbalti hai . «al-infaaqu» ke maani muflis ho jana . Kehte hain «anfaqar-rajulu» jab woh muflis ho jaye aur «nafaqash-shay'u» jab koi cheez tamam ho jaye . «qatooran» ke maani bakheel . «azhqaanun» , «zhqanun» ki jama hai jahan donon jabre milte hain yani thuddi . Mujahid ne kaha «maufooran waafiran» ke maani mein hai (yani poora) «tabee-an» badla lene wala . Aur Ibn Abbas razi Allahu anhuma ne kaha «la tubazzhir» ka maani yeh hai ke najaiz kaamon mein apna paisa mat kharch kar «ibtighaa'a rahmatin» rozi ki talash mein «masbooran» ke maani maloon ke hain . «la taqfu» mat keh «fa-jaasoo» qasd kiya . «yuzhjeel fulka» ke maani chalata hai . «yakhirroona lil-azhqaani» ke maani munh ke bal gir parte hain (sajda karte hain) .

Hum se Ali bin Abdullah Madini ne byaan kiya , kaha hum se Sufyan ne byaan kiya , kaha hum ko Mansoor ne khabar di , unhein Abu Wail ne aur un se Abdullah ne byaan kiya ke jab kisi qabila ke log barh jate to zamana e jahiliyat mein hum un ke mutalliq kaha karte thay ke «amira banu fulaanin» (yani falan ka khandan bahut barh gaya) . Hum se Humaydi ne byaan kiya , kaha hum se Sufyan bin Uyaynah ne byaan kiya aur is riwayat mein unhon ne bhi lafz «amira» ka zikr kiya .