«al-muqtasimeena» se woh kafir murad hain jinon ne raat ko ja kar qasam khayi thi ke Salih paighambar ki oontni ko maar dalein ge . Isi se «la uqsimu» nikla hai ke main qasam khata hoon . Baazon ne isay «la-uqsimu» parha hai ( «laam» takeed se) isi se hai . «qaasamahuma» yani Iblees ne Adam wa Hawa alayhimassalam ke samne qasam khayi lekin Adam wa Hawa ne qasam nahi khayi thi . Mujahid ne kaha ke «taqaasamoo billahi lanubayyitannahu» mein «taqaasamoo» ka maani yeh hai ke Salih paighambar ko raat ko ja kar maar dalne ki unhon ne qasam khayi thi .

Mujh se Yaqoob bin Ibrahim ne byaan kiya , unhon ne kaha hum se Hushaym ne byaan kiya , unhein Abu Bishr ne khabar di , unhein Saeed bin Jubayr ne aur un se Abdullah bin Abbas razi Allahu anhuma ne byaan kiya aayat «allazhina jaalul qur-aana ideena» ”jinon ne Quran ke tukre kar rakkhe hain“ ke mutalliq kaha ke is se murad Ahl e Kitab hain ke unhon ne Quran ke tukre tukre kar diye .