Aur Fudayl bin Ayadh (zahid e mashhoor) ne Husain bin Abdur Rahman se riwayat kiya , unhon ne Mujahid se unhon ne kaha «mutta'an» ka maani «utrujjun» aur khud Fudayl ne bhi kaha ke «mutta'an» Habshi zaban mein «utrujjun» ko kehte hain . Aur Sufyan bin Uyaynah ne ek shakhs (naam na-maloom) se riwayat ki us ne Mujahid se unhon ne kaha . «mutta'an» woh cheez jo chhuri se kaati jaye (mewa ho ya tarkari) . Aur Qatadah ne kaha «zhu ilmin» ka maani apne ilm par amal karne wala . Aur Saeed bin Jubayr ne kaha «suwau» ek maap hai jis ko «makkookul farisi» bhi kehte hain yeh ek glass ki tarah ka hota hai jis ke donon kinare mil jate hain . Ajam ke log is mein pani piya karte hain . Aur Ibn Abbas ne kaha «lau la an tufannidooni» agar tum mujh ko jahil na kaho . Doosre logon ne kaha «ghayabati» woh cheez jo doosri cheez ko chhupawe ghaib kar de aur jubb kacha kunway jis ki bandish na hui ho . «wa ma anta bi-mu'minin lana» yani tu hamari baat sach maanne wala nahi . «ashuddahu» woh umr jo zamana e inhitat se pehle ho (tees se chalis baras tak) Arab bola karte hain . «balagha ashuddahu wa balaghu ashuddahum» yani apni jawani ki umr ko pahuncha ya pahunche . Baazon ne kaha «ashuddu» , «shaddun» ki jama hai . «mutta'an» masnad , takiya jis par tu peene khane ya baatein karne ke liye teeka de . Aur jis ne yeh kaha ke «mutta'an» , «utrujjun» ko kehte hain us ne ghalat kaha . Arbi zaban mein «mutta'an» ke maani «utrujjun» ke bilkul nahi aaye hain jab is shakhs se jo «mutta'an» ke maani «utrujjun» kehta hai asal byaan ki gayi ke «mutta'an» masnad ya takiya ko kehte hain to woh is se bhi bad-tar ek baat kehne laga ke yeh lafz «al-matka sakinatu-ttai» hai . Haalan ke «matakun» Arbi zaban mein aurat ki sharmgah ko kehte hain . Jahan aurat ko khatna karte hain aur yahi wajah hai ke aurat ko Arbi zaban mein «mutka'u» ( «matakun» wali) kehte hain aur aadmi ko «mutka'u» ka pait kehte hain . Agar bil-farz Zulaykha ne «utrujjun» bhi mangwa kar auraton ko diya ho ga to masnad takiya ke baad diya ho ga . «shaafaha» yani is ke dil ke «shaghaaf» (ghilaf) mein is ki mohabbat sama gayi hai . Baazon ne «shagafaha» ayn e muhmalla se parha hai woh «mash-ghoofun» se nikla hai . «asbu» ka maani mayal ho jaoon ga jhuk parroon ga . «adghasu ahlaamin» pareshan khwab jis ki kuch tabeer na di ja sake . Asal mein «adghasun» , «dighsun» ki jama hai yani ek mutthi bhar ghaas tinke waghaira is se hai (Surah Sad mein) «khuzh bi-yadika dighsan» yani apne hath mein seenkon ka ek muttha le . Aur «adghasu ahlaamin» mein «dighsun» ke yeh maani murad nahi hain . Balkay pareshan khwab murad hai . «nameeru» , «meeratun» se nikla hai is ke maani khane ke hain . «wa nazdaadu kayla baeerin» yani ek oont ka bojh aur zyada layein ge . «aawa ilayhi» apne se mila liya . Apne paas bitha liya . «siqayatun» ek maap tha (jis se ghalla maapte thay) . «tafta'u» hamesha raho ge . «falamma-stay'asu» jab na-umeed ho gaye . «wa la tay'asu min rauhillahi» Allah se umeed rakho is ki rahmat se na-umeed na ho . «khallasu najiyyan» alag ja kar mashwara karne lage . «najiyyan» ka maani mashwara karne wala . Is ki jama «anjiyatun» bhi aayi hai is se bana hai «yatana-joona» yani mashwara kar rahe hain . «najiyyan» mufrad ka sigha hai aur tasniya aur jama mein «najiyyan» aur «anjiyatun» donon mustamal hain . «haradan» yani ranj o gham tujh ko gala daale ga . «tahassasu» yani khabar lo , lo lagao , talash karo . «muzjaatin» thori poonji . «ghashiyatun min azhabillahi» Allah ka aam azab jo sab ko gher le .

Hum se Abdullah bin Muhammad ne byaan kiya , unhon ne kaha hum se Abdus Samad ne byaan kiya , un se Abdur Rahman bin Abdullah bin Dinar ne byaan kiya , un se un ke walid ne aur un se Abdullah bin Umar razi Allahu anhuma ne byaan kiya ke Nabi Karim salla Allahu alaihi wasallam ne farmaya ke Kareem bin Kareem bin Kareem bin Kareem Yusuf bin Yaqoob bin Ishaq bin Ibrahim thay . (alayhimus-salatu was-salamu) .