«assalmu» aur «assilmu» aur «assalamu» sab ka ek hi maani hai .

Mujh se Ali bin Abdullah Madini ne byaan kiya , kaha hum se Sufyan bin Uyaynah ne byaan kiya , un se Amr bin Dinar ne , un se Ata ne aur un se Ibn Abbas razi Allahu anhuma ne aayat «wa la taqoolu liman alqa ilaykumussalama lasta mominan» ”aur jo tumhein salam karta ho usay yeh mat keh diya karo ke tu to momin hi nahi hai .“ Ke baare mein farmaya ke ek sahab (Mirdas naami) apni bakriyan chura rahe thay , ek muhim par jate huay kuch Musalman unhein milay to unhon ne kaha ”Assalamu Alaikum“ lekin Musalmanon ne bahana khor jaan kar unhein qatl kar diya aur un ki bakriyon par qabza kar liya . Is par Allah Ta'ala ne yeh aayat nazil ki thi aakhir aayat «aradall hayatiddunya» is se isharah unhi bakriyon ki taraf tha . Byaan kiya ke Ibn Abbas razi Allahu anhuma ne «assalama» qirat ki hai , mashhoor qirat bhi yahi hai .