Hum se Ismail ne bayan kiya ‘ kaha ke mujh se Imam Malik ne bayan kiya ‘ in se Abdul Majeed Bin Suhail ne ‘ in se Saeed Bin Musayyab ne aur in se Abu Saeed Khudri Radi Allahu Anhu aur Abu Huraira Radi Allahu Anhu ne ke Nabi Kareem Sallallahu Alaihi Wasallam ne ek sahabi (Sawad Bin Ghaziya Radi Allahu Anhu) ko Khaibar ka aamil muqarrar kiya. Wo wahan se umda qism ki khajooren laye to Nabi Kareem Sallallahu Alaihi Wasallam ne in se daryaft farmaya ke kya Khaibar ki tamam khajooren aaisi hi hain? Unhon ne arz kiya ke nahi, Allah ki qasam Ya Rasul Allah! Hum is tarah ki ek saah khajoor (is se kharab) do ya teen saah khajoor ke badle mein in se le leyte hain. Nabi Kareem Sallallahu Alaihi Wasallam ne farmaya ke is tarah na kiya karo ‘ balkey (agar acchi khajoor lani ho to) raddi khajoor pehle dirham ke badle bech dala karo ‘ phir in darahim se acchi khajoor khareed liya karo
.