Mujh se Ahmad Bin Ishaq ne bayan kiya ‘ kaha hum se Usman Bin Umar ने bayan kiya ‘ kaha hum ko Shuba ne khabar di ‘ unhein Qatada ne aur unhein Anas Bin Malik Radi Allahu Anhu ne ke (ayat) «inna fattahna laka fatham mubina» ”Beshak hum ne tumhein khuli hui fatah di.“ Ye fatah sulh-e-Hudaibiya thi. Sahaba (Radi Allahu Anhum) ne arz kiya: Nabi Kareem Sallallahu Alaihi Wasallam ke liye to marhala aasan hai (ke Aap ki tamam agli aur pichli laghzishen maaf ho chuki hain) lekin hamara kya hoga? Is par Allah Ta'ala ne ye ayat nazil farmai «liyudkhilal muminina wal muminati jannatin» ”Is liye ke momin mard aur momin aurten jannat mein dakhil ki jayein gi jis ke neeche nahrein jari hongi.“ Shuba ne bayan kiya ke phir mein Kufa aaya aur mein Qatada se poora waqia bayan kiya ‘ phir mein dubara Qatada ki khidmat mein hazir hua aur in ke samne is ka zikr kiya to unhon ne kaha ke «inna fattahna laka» ”Beshak hum ne tumhein khuli fatah di hai.“ Ki tafseer to Anas Radi Allahu Anhu se riwayat hai lekin is ke baad «hani'am mari'a» (yani Aap Sallallahu Alaihi Wasallam ke liye to har marhala aasan hai) ye tafseer Ikrima se manqool hai
.