Hum se Ibrahim Bin Musa ne bayan kiya ‘ kaha hum ko Isa Bin Yunus ne khabar di ‘ unhein Ismail Bin Abi Khalid ne ‘ unhein Qais Bin Abi Hazim ne aur unhon ne Mirdas Aslami Radi Allahu Anhu se suna ‘ wo Ashab-e-Shajarah (Ghazwa Hudaibiya mein shareek hone walon) mein se thay ‘ wo bayan karte thay ke pehle saliheen qabz kiye jayein ge. Jo zyada salih hoga is ki rooh sab se pehle aur jo is ke baad ke darje ka hoga is ki is ke baad phir raddi aur bekar khajoor aur jao ki tarah bekar log baqi reh jayein ge jin ki Allah ke nazdeek koi qadr nahi hogi
.