Aur Abu Al-Zubair ne Jabir Radi Allahu Anhu se bayan kiya ke hum Nabi Kareem Sallallahu Alaihi Wasallam ke sath maqam-e-Nakhl mein thay to Aap Sallallahu Alaihi Wasallam ne namaz-e-khauf parhayi aur Abu Huraira Radi Allahu Anhu ne bayan kiya ke mein ne Nabi Kareem Sallallahu Alaihi Wasallam ke sath namaz-e-khauf Ghazwa Najd mein parhi thi. Ye yaad rahe ke Abu Huraira Radi Allahu Anhu Nabi Kareem Sallallahu Alaihi Wasallam ki khidmat mein (sab se pehle) Ghazwa Khaibar ke mauqe par hazir hue thay
.