Mujh se Usman Bin Abi Shaiba ne bayan kiya, kaha hum se Abdah Bin Sulaiman ne bayan kiya, un se Hisham Bin Urwah ne, un se in ke walid ne aur un se Aisha Radi Allahu Anha ne ke (ayat) «iz jauukum min fauqikum wamin asfala minkum wa iz zaghatil absaru wa balaghatil qulubul hanajira» ”Jab mushrikeen tumhare balayi ilaqe se aur tumhare nasheebi ilaqe se tum par charh aaye thay aur jab mare darr ke aankhen chaka choand ho gayi thin aur dil halaq tak aa gaye thay.“ Aisha Radi Allahu Anha ne bayan kiya ke ye ayat Ghazwa Khandaq ke mutaliq nazil hui thi
.