Aur jinhein Abu Abdullah (Imam Bukhari Rahimahullah) apni is jame kitab mein zikr karte hain jis ko unhon ne murattab kiya hai (yani yahi Sahih Bukhari). (1) Al-Nabi Muhammad Bin Abdullah Al-Hashmi Sallallahu Alaihi Wasallam (2) Iyas Bin Bukair Radi Allahu Anhu (3) Abu Bakr Siddiq Radi Allahu Anhu ke ghulam Bilal Bin Rabah Radi Allahu Anhu (4) Hamza Bin Abdul Muttalib Al-Hashmi Radi Allahu Anhu (5) Quraish ke haleef Hatib Bin Abi Balta'ah Radi Allahu Anhu (6) Abu Huzaifa Bin Utbah Bin Rabia Al-Qurashi Radi Allahu Anhu (7) Haritha Bin Rabi Ansari Radi Allahu Anhu, unhon ne Badr ki jung mein shahadat payi thi. Un ko Haritha Bin Suraqah bhi kehte hain. Ye jung Badr ke maidan mein sirf tamashayi ki haisiyat se aaye thay (kam umri ki wajah se, lekin Badr ke maidan mein hi un ko ek teer kuffar ki taraf se aa kar laga aur isi se unhon ne shahadat payi) (8) Khubaib Bin Adi Ansari Radi Allahu Anhu (9) Khunais Bin Huzaifa Al-Sahmi Radi Allahu Anhu (10) Rifaa'ah Bin Rafi Ansari Radi Allahu Anhu (11) Rifaa'ah Bin Abdul Munzir Abu Lubaba Ansari Radi Allahu Anhu (12) Zubair Bin Al-Awwam Al-Qurashi Radi Allahu Anhu (13) Zaid Bin Sahl Abu Talha Ansari Radi Allahu Anhu (14) Abu Zaid Ansari Radi Allahu Anhu (15) Saad Bin Malik Zuhri Radi Allahu Anhu (16) Saad Bin Khawlah Al-Qurashi Radi Allahu Anhu (17) Saeed Bin Zaid Bin Amr Bin Nufail Al-Qurashi Radi Allahu Anhu (18) Sahl Bin Hunaif Radi Allahu Anhu (19) Zuhair Bin Rafi Ansari Radi Allahu Anhu (20) Aur un ke bhai Abdullah Bin Usman Radi Allahu Anhu (21) Abu Bakr Siddiq Al-Qurashi Radi Allahu Anhu (22) Abdullah Bin Masood Al-Huzali Radi Allahu Anhu (23) Utbah Bin Masood Al-Huzali Radi Allahu Anhu (24) Abdur Rahman Bin Auf Al-Zuhri Radi Allahu Anhu (25) Ubaidah Bin Harith Al-Qurashi Radi Allahu Anhu (26) Ubadah Bin Samit Ansari Radi Allahu Anhu (27) Umar Bin Khattab Al-Adwi Radi Allahu Anhu (28) Usman Bin Affan Al-Qurashi Radi Allahu Anhu un ko Rasul Allah Sallallahu Alaihi Wasallam ne apni sahibzadi (jo un ke ghar mein thin) ki timardari ke liye Madina Munawwarah hi mein chora tha lekin Badr ki ghanimat mein Aap ka bhi hissa lagaya tha. (29) Ali Bin Abi Talib Al-Hashmi Radi Allahu Anhu (30) Bani Amir Bin Luai ke haleef Amr Bin Auf Radi Allahu Anhu (31) Uqbah Bin Amr Ansari Radi Allahu Anhu (32) Amir Bin Rabia Al-Qurashi Radi Allahu Anhu (33) Asim Bin Sabit Ansari Radi Allahu Anhu (34) Uwaim Bin Sa'idah Ansari Radi Allahu Anhu (35) Utban Bin Malik Ansari Radi Allahu Anhu (36) Qudamah Bin Maz'oon Radi Allahu Anhu (37) Qatadah Bin Numan Ansari Radi Allahu Anhu (38) Muaz Bin Amr Bin Jamooh Radi Allahu Anhu (39) Muawwiz Bin Afra Radi Allahu Anhu (40) Aur un ke bhai Muaz Radi Allahu Anhu (41) Malik Bin Rabia Abu Usaid Ansari Radi Allahu Anhu (42) Murarah Bin Rabi Ansari Radi Allahu Anhu (43) Ma'n Bin Adi Ansari Radi Allahu Anhu (44) Mistah Bin Usathah Bin Abbad Bin Abdul Muttalib Bin Abd Manaf Radi Allahu Anhu (45) Miqdad Bin Amr Al-Kindi Radi Allahu Anhu, Bani Zuhra ke haleef (46) Aur Hilal Bin Abi Umayya Ansari Radi Allahu Anhu
.

Aur Rasul Allah Sallallahu Alaihi Wasallam ka do musalmanon ki diyat ke silsile mein un ke pas jana aur Nabi Kareem Sallallahu Alaihi Wasallam ke sath un ka dagha bazi karna. Zuhri ne Urwah se bayan kiya ke Ghazwa Banu Nazir, Ghazwa Badr ke che mahine baad aur Ghazwa Uhud se pehle hua tha aur Allah Ta'ala ka irshad «huwal lazi akhrajal lazina kafaru min ahlil kitabi min diyarihim liawwalil hashr ma zanantum an yakhruju» ”Allah hi wo hai jis ne nikala un logon ko jo kafir hue ahl-e-kitab se un ke gharon se aur ye (Jazira Arab se) un ki pehli jala watni hai“ Ibn Ishaq ki tehqiq mein ye ghazwa Ghazwa Bir Mauna aur Ghazwa Uhud ke baad hua tha
.

Hum se Ishaq Bin Nasr ne bayan kiya, ke hum se Abdur Razzaq ne bayan kiya, kaha hum ko Ibn Juraij ne khabar di, unhein Musa Bin Uqba ne, unhein Nafi ne aur un se Ibn Umar (Radi Allahu Anhuma) ne bayan kiya ke Banu Nazir aur Banu Quraiza ne Nabi Kareem Sallallahu Alaihi Wasallam se (muahida tor kar) larayi mol li. Is liye Aap ne qabila Banu Nazir ko jala watan kar diya lekin qabila Banu Quraiza ko jala watan nahi kiya aur is tarah un par ihsan farmaya. Phir Banu Quraiza ne bhi jung mol li. Is liye Aap ne un ke mardon ko qatl karwaya aur un ki aurton, bachon aur maal ko musalmanon mein taqseem kar diya. Sirf baaz Bani Quraiza is se alag qarar diye gaye thay kyunke wo Aap Sallallahu Alaihi Wasallam ki panah mein aa gaye thay. Is liye Aap ne unhein panah di aur unhon ne Islam qabool kar liya tha. Aap Sallallahu Alaihi Wasallam ne Madina ke tamam yahoodiyon ko jala watan kar diya tha. Banu Qainuqa ko bhi jo Abdullah Bin Salam Radi Allahu Anhu ka qabila tha, Yahood Bani Haritha ko aur Madina ke tamam yahoodiyon ko
.