Hum se Ibrahim Bin Musa ne bayan kiya, kaha hum ko Hisham ne khabar di, un se Ibn Juraij ne bayan kiya, kaha ke mujhe Ubaidullah Bin Umar ne khabar di, unhein Nafi ne yani Ibn Umar Radi Allahu Anhuma se aur wo Umar Bin Khattab Radi Allahu Anhu se, farmaya aap ne tamam Muhajireen-e-awwaleen ka wazeefa (apne ahad-e-khilafat mein) char char hazar char char qiston mein muqarrar kar diya tha, lekin Abdullah Bin Umar Radi Allahu Anhuma ka wazeefa char qiston mein saaray teen hazar tha is par un se poocha gaya ke Abdullah Bin Umar Radi Allahu Anhuma bhi Muhajireen mein se hain. Phir aap unhein char hazar se kam kyun dete hain? To Umar Radi Allahu Anhu ne kaha ke unhein in ke walidain hijrat kar ke yahan laye thay. Is liye wo in Muhajireen ke barabar nahi ho sakte jinhon ne khud hijrat ki thi
.