Mujh se Yahya Bin Sulaiman ne bayan kiya, kaha mujh se Abdullah Bin Wahab ne bayan kiya ke mujhe Amr Bin Haris ne khabar di, un se Abdur Rahman Bin Qasim ne bayan kiya ke in ke walid Qasim Bin Muhammad janazah ke aage aage chala karte thay aur janazah ko dekh kar kharay nahi hote thay. Aisha Radi Allahu Anha ke hawale se wo bayan karte thay ke zamana-e-jahiliyat mein log janazah ke liye kharay ho jaya karte thay aur ise dekh kar do baar kehte thay ke ay marne wale jis tarah apni zindagi mein tu apne ghar walon ke sath tha ab waisa hi kisi parinde ke bhes mein hai
.