Hum se Muhammad ne bayan kiya kaha, hum se Ishaq bin Nasr ne bayan kiya, kaha hum se Abdur Razzaq ne bayan kiya, in se Ma'mar ne, in se Zuhri ne, in se Salim ne aur in se Abdullah bin Umar Radi Allahu Anhuma ne bayan kiya ke Nabi Kareem Sallallahu Alaihi Wa Sallam jab maujood thay to jab bhi koi shakhs koi khwab dekhta to Nabi Kareem Sallallahu Alaihi Wa Sallam se ise bayan karta. Mere dil mein bhi yeh tamanna paida ho gayi ke mein bhi koi khwab dekhun aur Nabi Kareem Sallallahu Alaihi Wa Sallam se bayan karun. Mein in dinon kunwara tha aur nau-umar bhi tha. Mein Aap ke zamane mein masjid mein soya karta tha to mein ne khwab mein do farishton ko dekha ke mujhe pakar kar dozakh ki taraf le gaye. Mein ne dekha ke woh bal-dar kunwein ki tarah paich-dar-paich thi. Kunwein hi ki tarah is ke bhi do kinare thay aur is ke andar kuch aise log thay jinhein mein pehchanata tha. Mein ise dekhte hi kehne laga dozakh se mein Allah ki panah mangta hun, dozakh se mein Allah ki panah mangta hun. Is ke baad mujh se ek doosre farishte ki mulaqat hui, us ne mujh se kaha ke khouf na kha, mein ne apna yeh khwab Hafsah Radi Allahu Anha se bayan kiya.