Hum se Ismail Bin Abi Idrees ne bayan kiya, kaha ke mujh se Sulaiman Bin Bilal ne bayan kiya, un se Yunus Bin Yazid ne, un se Ibn Shihab Zuhri ne, un se Ubaidullah Bin Abdullah Bin Utba Bin Masood ne aur un se Ibn Abbas (Radi Allahu Anhuma) ne ke Rasul Allah (Sallallahu Alaihi Wasallam) ne farmaya "Jibrail Alaihis Salam ne Quran Majeed mujhe (Arab ke) ek hi muhaware ke mutabiq parh kar sikhaya tha, lekin mein is mein barabar izafa ki khwahish ka izhar karta raha, ta-aanke Arab ke saat muhawaron par is ka nazool hua."
.